Popular Bible Verses from AONEGA HEREVADIA 4

Share

To gau badana momokani, oiemu kudouna, oiemu laloa ia havaraia gauna, do oi naria namonamo, badina be oiemu laloa dekena amo, oiemu mauri be ia heau noho.

Do oi karaia gaudia, be do oi laloa namonamo guna, unai neganai emu kara ibounai be do idia maoro.

Hereva gagevagageva be, oi dekena amo do oi atoa siri. Hereva koikoi be nega ta do oi gwauraia lasi.

Gau badana momokani be aonega. Sedira do oi abia totona oiemu kohu, oiemu moni bona gau ibounai do oi negea haorea, to laloa kehoa do oi tahua bona abia.

To kara maoromaoro taudia idia raka noho dalana, be daba rere bamona. Edia dala ena diari be ia bada lao noho, ela bona dina tubua momokani ia hedinarai. Kara dika taudia edia dala, be dibura masemase bamona. Idia be idia moru noho, to idia hekwakwanai gauna idia itaia diba lasi.

Aonega do oi rakatania lasi, bona ia ese oi do ia naria. Aonega do oi ura henia, bona ia ese oi do ia gimaia.

Egu hadibaia hereva do oi dogoatao, do oi rakatania lasi. Inai diba do oi gimaia, badina ia be oiemu mauri ena badina.

Kara dika taudia edia dala dekenai, do oi raka vareai lasi. Kerere taudia edia kara do oi karaia lasi.

Egu natuna tau ibounai e, lau, emui tamana, egu hadibaia hereva do umui kamonai. Egu hereva edia anina do umui tahua, bona laloa kehoa do umui davaria.