Popular Bible Verses from AONEGA HEREVADIA 28

Share

Bema oiemu kara dika oi hunia noho neganai, namo ta do oi davaria lasi. Oiemu kara dika do oi gwauraia hedinarai, bona dika do oi rakatania, unai neganai Dirava ese oi do ia bogahisihisi henia.

Sibona ena lalona dekenai ia abidadama henia tauna be kavakava, to aonega ena dala dekenai ia raka tauna, be do ia mauri.

Kara dika taudia be ta ese, ia luludia lasi neganai idia heau kava noho, to kara maoromaoro taudia be idia gari lasi noho, laiona bamona.

Nega ibounai Lohiabada do oi gari henia, vadaeni do oi moale, to bema oiemu kudouna oi ha-aukaia neganai, dika momokani do oi davaria.

Ogogami taudia dekenai durua do oi henia, bona do oi ogogami lasi, to bema ogogami taudia dekenai, oiemu matana oi koua neganai, taunimanima ese hereva dika mai badu danu, oiemu latanai do idia gwauraia.

Tau ta ia sisiba henia tauna ese, gabeai lalo namo bada do ia abia, to iena uduna dekenai ia hanamoa koikoi tauna ese, lalo namo maragi sibona do ia abia.