Popular Bible Verses from AONEGA HEREVADIA 23

Share

Kara maoromaoro tauna ena tamana, be do ia moale bada, bona bema iena natuna be mai aonega danu, unai tamana ese do ia moalelaia.

Kohu momo abia totona do oi hekwarahi bada lasi. Bema oi be aonega, unai bamona do oi karaia lasi

Bema inai bamona oi karaia neganai, oi ura davaria gau namodia, be Dirava ese oi dekenai do ia koua lasi.

Oiemu kudouna ese, kara dika taudia do ia mama henidia lasi, to nega ibounai oi ese, Lohiabada do oi gari henia noho, mai momokani danu.

Oi daradara lasi, to oiemu natuna do oi matakani henia. Au dekena amo do oi kwadia neganai, ia be do ia mase lasi.

Mai oiemu kudouna danu, hadibaia hereva do oi tahua, bona aonega hereva dekenai do oi kamonai namonamo.

Badina kohu momo be do idia ore haraga diba, ugava manu ese ena hanina ia abia isi, bona ia roho lao haraga bamona.

Oiemu tamana, ia ese oi ia havaraia tauna, do oi kamonai henia, bona oiemu sinana ia buruka neganai do oi matauraia.