Popular Bible Verses from MIKA 2

Share

Dirava ese iena bese taudia edia dala do ia kehoa, vadaeni edia guia dekena amo do ia hakaudia mai. Unai tano idauna ena hanua magu iduara do idia hamakohia, murimuri dekenai do idia lao. Edia king, Lohiabada be unai, ese idia do ia gunalaia.

Palani dikadia umui laloa noho taudia e, dika bada herea momokani do umui davaria! Umui be hanuaboi neganai umui mahuta lasi, to umui ese kara dikadia do umui karaia dalana umui laloa noho. Bona dabai umui toreisi, unai kara be umui karaia momokani, badina dala umui davaria vadaeni.

Lohiabada ese ma ia hereva, ia gwau, “To umui Israela taudia, do mauri noho taudia be do lau haboua. Lau ese umui do lau haboua, mamoe naria tauna ese iena mamoe edia magu lalonai ia haboudia lou bamona. Bona Israela ena tano be taunimanima dekenai do ia honu lou, tano ta mai ena mamoe momo bamona.”