Popular Bible Verses from MATAIO 18

Share

Badina be bema lauegu ladanai tau rua o toi idia hebou gabu ta dekenai, lau danu be idia dekenai lau noho.”

“Umui lau hamaoroa momokani, bema tanobada dekenai umui rua emui laloa do idia tamona, vadaeni mai emui laloa tamona gau ta totona do umui noinoi hebou, egu Tamana guba dekenai ia noho ese unai bamona do ia karaia umui dekenai.

Vadaeni Iesu ese mero maragi ta ia boiria, edia huanai ia haginia. Ia gwau, “Umui lau hamaoroa momokani, bema umui emui lalona umui giroa lasi, bona memero maragi bamona do umui halaoa lasi, umui be Guba Basileia lalonai do umui raka vareai diba lasi.

Unai dainai, inai mero maragi bamona do ia manau tauna be Guba Basileia lalonai do ia bada herea.

Bona mero maragi inai bamona ta lauegu ladanai do ia abia dae tauna ese lau danu do ia abia dae.

“Umui lau hamaoroa momokani, tanobada dekenai do umui taravatua gaudia ibounai be guba dekenai danu do idia taravatua, bona tanobada dekenai maoro do umui henia gaudia ibounai be guba dekenai danu maoro do idia henia.

“Unai dainai, egu Tamana guba dekenai ia noho be unai bamona do ia karaia umui dekenai, bema umui ta ta emui kudouna dekenai emui tadikakana edia dika do umui gwauatao lasi neganai.”

“To inai bamona mero ta, lau dekenai ia abidadama, do ia hakererea tauna be, nadi badana ta iena aiona dekenai bema idia kwatua bona davara dekenai bema idia negea diho, vadaeni ia mase be namo.

“Umui be dahaka umui laloa? Bema tau ta ena mamoe be 100, to tamona bema ia boio neganai, ia be 99 do ia rakatania lasi, ia boio gauna ororo dekenai do ia tahua lasi, a?