Popular Bible Verses from MATAIO 13

Share

To tano namona dekenai ia moru gauna be tau ta ese Dirava ena hereva ia kamonaia, bona iena lalona ia kehoa momokani. Unai bamona taudia be edia anina idia atoa, ta 100, ta 60, ta 30.”

Ava ginigini dekenai ia moru gauna be tau ta ese hereva ia kamonai, to tanobada ena laloa metau idauidau bona kohu ura henia dikadika ese Dirava ena hereva idia koua. Unai dainai ia be anina lasi.

Tau ta ese Basileia ena sivarai ia kamonaia, to ena anina ia diba lasi, vadaeni Satani ia mai, unai tau ena lalona dekenai ia hadoa gauna be ia kokia. Dala dekenai ia moru gauna be unai.

Nadi dekenai ia moru gauna be tau ta ese Dirava ena hereva ia kamonai, bona nega tamona ia abia dae mai moale danu. To ia be ramuna lasi, ia noho nega sisina sibona, badina be gabeai haida ese Dirava ena hereva idia hadikaia, bona idia ese unai tau idia hisihisi henia, o idia dagedage henia neganai, iena abidadama be do ia ore haraga.

“Guba Basileia be kohu namona ta, tano dekenai ia hunia noho bamona. Tau ta ese ia davaria, vadaeni tano dekena amo ia koua, ia lao, mai moale danu iena gau ibounai ia hoia lao, vadaeni unai tano ia hoia.

To haida be tano namona dekenai idia moru, anina idia atoa, haida be 100, haida be 60, haida be 30.”

Do idia noho, do idia tubu nega tamona, ia lao bona uiti utua neganai. Vadaeni lau ese utua taudia do lau hamaorodia, lau gwau, “Ava dikadia umui haboua guna, umui kwatua, lahi dekenai gabua totona, to uiti be egu aniani rumana dekenai do umui haboua.” ’ ”