Popular Bible Verses from ISAIA 26

Share

Tau ta, bema oi Lohiabada dekenai ia laloa noho nega ibounai, oi ese maino namo herea ia dekenai do oi henia, badina be ia ese oi dekenai ia abidadama henia noho.

Lohiabada do oi abidadama henia hanaihanai, badina Iehova, Lohiabada, be iseda noho hanaihanai nadi goadana momokani.

Hanuaboi lalonai egu kudouna ese oi ia tahua noho. Egu laumana ese oi ia tahua noho momokani, badina bema oi ese tanobada taudia oi kota henia neganai, idia ese kota maoromaoro ena anina do idia diba.

Lohiabada e, oi ese ai durua totona maino oi henia noho, bona ai karaia namonamo gaudia ibounai, be oi ese oi havaraia noho.

Lohiabada e, oiemu ura dalana dekenai ai raka noho, bona ai ese oi ai naria noho, oi ese ai do oi hamaoromaoroa totona. Badina aiemai ura momokani be, oiemu ladana be mataurai, bona hanamoa do ia abia.

Lohiabada e, kara maoromaoro taudia edia dala do oi hamanadaia, vadaeni idia raka noho dalana be palaka momokani.

Lohiabada ese hekokoroku taudia ia hamorua noho, ia ese edia hanua goadana ia hadikaia ore noho. Unai hanua be tano ena kahu dekenai ia moru momokani.

Hanua magu ena iduara do umui kehoa, vadaeni kara maoromaoro besena, Dirava idia abidadama bese taudia do idia raka vareai.