Popular Bible Verses from HADIBAIA TAUNA 7

Share

Do oi badu haraga lasi. Bona bema badu be emu lalona dekenai oi dogoatao noho, inai be kavakava taudia edia kara.

Oiemu noho be namo neganai, do oi moale. Bona oi dekenai dika ia vara neganai do oi laloa, Dirava ese moale bona hekwarahi ia siaia noho, bona taunimanima idia diba lasi dahaka bona dahaka do idia vara.

Kara ta ena dokona ese unai kara ena hamatamaia ia hereaia noho. Bona haheauka kara ese hekokoroku kara ia hereaia noho.

Kara maoromaoro tauna ta tanobada dekenai, be kara namo sibona ia karaia noho, a? Lasi momokani, ibounai ese nega haida kara dika do idia karaia diba.

Aonega ese oi ia gimaia noho diba, moni ese oi ia gimaia noho diba hegeregerena. To aonega ese moni ia hereaia noho, badina aonega ese aonega tauna ia hamauria noho.

Tau ta ena ladana namona ese davana bada muramura mai bonana namo ia hereaia noho. Bona tau ena mase dinana ese iena vara dinana ia hereaia noho.

Aonega taudia ese oi do idia gwau henia be namo. To kavakava taudia ese oi do idia hanamoa be dika.

Taitai ena ruma do oi raka vareai be namo, aria ena ruma do oi raka vareai be dika. Badina be mauri taudia ibounai idia diba idia be do idia mase, bona inai mase do idia laloaboio lasi be namo.

Nega ibounai moale ia laloa noho tauna be kavakava. Aonega tauna ese mase ia laloa noho.