Popular Bible Verses from HADIBAIA TAUNA 5

Share

Oiemu uduna dekenai do oi hereva haragaharaga lasi, bona Dirava dekenai do oi gwauhamata haragaharaga lasi. Dirava be guba dekenai ia noho, to oi be tanobada dekenai oi noho. Unai dainai do oi hereva momo lasi.

Bema Dirava ese tau ta dekenai kohu bona moni ia henia, bona goada danu ia henia, unai gau do ia moalelaia totona, unai be Dirava ena harihari gauna. Unai tau ese Dirava do ia tanikiu henia, bona iena hekwarahi dekenai ia abia gaudia do ia moalelaia be namo.

Moni ia ura henia noho tauna ese moni do ia abia, to unai moni ena bada be hegeregere lasi ia dekenai, vadaeni ma haida ia tahua noho. Bona kohu momo ia ura henia noho tauna ese iena kohu do ia habadaia, to ena bada be hegeregere lasi ia dekenai. Inai kara danu be anina lasi.

Dirava ena Dubu Helaga oi raka vareai neganai do oi naria namonamo. Hadibaia hereva kamonai totona do oi raka vareai be namo. Inai kara ese kavakava taudia edia boubou henia karadia ia hereaia noho, badina idia diba lasi edena kara be dika, Dirava ena vairana dekenai.

Dirava dekenai oi gwauhamata neganai, gwauhamata ena anina do oi karaia haraga, badina be ia ese kavakava taudia ia moalelaia lasi. Oiemu gwauhamata ena anina do oi karaia.

Do oi gwauhamata be ia namo, to do oi gwauhamata, bona anina do oi karaia lasi, be dika.

Gaukara tauna ena bogana do ia kunu, o do ia hitolo, to iena mahuta be do ia namo. To kohu momo tauna ena gau momo dainai ia laloa hekwarahi, bona ia mahuta namonamo lasi.

Tau ese sinana ena bogana dekena amo ia mai neganai ia be kopina kavakava, bona inai tanobada ia rakatania neganai danu do ia kopina kavakava. Tau ena hekwarahi ibounai be anina lasi, badina gau ta iena imana dekenai ia abia lao diba lasi.