Popular Bible Verses from HADIBAIA TAUNA 11

Share

Uhau tauna e, oiemu eregabe dinadia lalonai do oi moale. Oiemu eregabe dinadia lalonai oiemu kudouna ese oi do ia hamoalea. Oiemu ura gauna do oi karaia, oiemu kudouna ena ura danu. To do oi laloaboio lasi, inai kara ibounai dainai Dirava ese oi do ia kota henia.

Unai dainai laloa hekwarahi oiemu kudouna dekena amo do oi atoa siri, bona hisihisi be oiemu tauanina dekena amo do oi abia siri danu, badina be uhau bona eregabe negadia be idia daudau lasi.

Bema oi noho kava, noho kava, ela bona lai bona medu idia namo neganai, oi be gau ta do oi hadoa lasi, bona tano ena anina ta do oi davaria lasi.

Dirava ese gau ibounai ia karaia, bona oi ese iena kara ena dala oi diba lasi. Lai ena vara dalana oi diba lasi. Mero matamata be sinana ena bogana lalonai iena mauri ia hamatamaia dalana danu oi diba lasi.

Daba neganai, bona adorahi neganai danu, uhe do oi hadoa. Badina be oi diba lasi, do ia tubu namonamo o lasi. Sedira daba gauna, bona adorahi gauna ruaosi do idia tubu namonamo.

Oiemu harihari gaudia be taunimanima momo dekenai do oi henia, badina be oi diba lasi edena negai dika oi dekenai do ia ginidae.