Popular Bible Verses from HADIBAIA TAUNA 1

Share

Badina be aonega bada ena lalonai, laloa hekwarahi danu be bada, bona laloa kehoa ia habadaia noho tauna ese, lalohisihisi danu ia habadaia noho.

Idia vara vadaeni gaudia be ma do idia vara lou. Idia karaia guna karadia be ma do idia karaia lou. Gau matamata ta be ia noho lasi, dina ena henunai.

Gau ibounai ese hekwarahi idia havaraia noho, bona tau ta ese ia herevalaia haorea diba lasi. Taunimanima edia matadia be gau idia itaia haorea diba lasi, edia taiadia danu be gau idia kamonai haorea diba lasi.

Hadibaia Tauna ia gwau: Anina lasi! Anina lasi! Gau ibounai be anina lasi, anina lasi momokani. Lagani momo hekwarahi bada ita karaia noho, to dahaka gau namona ita abia inai gaukara bada dekena amo?

Inai tanobada dekenai idia vara noho kara lau itaia vadaeni, bona momokani, taunimanima ese idia karaia noho karadia be anina lasi, lai do idia lulua kava hegeregerena.

Uru ta taunimanima be idia mase, ma uru matamata taudia ese mase taudia edia gabu idia abia noho, to tanobada be ia matamata lasi. Guna ia noho hegeregerena ia noho.

Idia vara guna taudia be ta ese ia laloatao lasi, bona do idia vara taudia be ta ese do ia laloatao lasi, gabeai do idia vara negadia ibounai lalonai.

Unai neganai lau laloa aonega bona diba edia idau do lau tahua, bona kavakava bona lebulebu edia idau danu do lau diba. To lau davaria, unai gaudia danu be lai lulua kava karana sibona, anina lasi.