Popular Bible Verses from APOSETOLO EDIA KARA 2

Share

Petero ia hereva idia dekenai, ia gwau, “Umui ibounai ese emui lalona umui giroa bona bapatiso umui abia, Iesu Keriso ena ladana dekenai, umui emui kara dika do idia gwauatao totona, bona Lauma Helaga do umui abia, Dirava ena harihari gauna.

Nega ibounai idia haboua noho, aposetolo edia hadibaia herevadia idia kamonai totona, bona turana idia karaia, aniani idia ania hebou, bona idia guriguri danu.

Vadaeni unai abidadama taudia ibounai be Lauma Helaga dekenai idia honu, bona gado idauidau dekenai idia hereva, Lauma Helaga ese idia dekenai ia henia hegeregere.

Vadaeni, guba dekena amo karaharaga regena ta ia diho mai, lai bada ena regena hegeregere, idia helai hebou noho ruma ena kahana ibounai ia hahonua. Bona lahi ena malana hegeregere idia hedinarai. Inai malana be idia makohia kahana ta ta, bona unai taudia ta ta edia kwarana latanai idia diho mai. Vadaeni unai abidadama taudia ibounai be Lauma Helaga dekenai idia honu, bona gado idauidau dekenai idia hereva, Lauma Helaga ese idia dekenai ia henia hegeregere.

Dina ibounai mai laloa tamona danu Dubu Helaga lalonai idia haboua, bona edia ruma dekenai idia aniani hebou, mai moale bona mai laloa manau danu. Idia ese Dirava idia hanamoa noho, bona taunimanima ibounai be idia dekenai idia moale. Vadaeni dina ibounai, Lohiabada ese mauri ia henia taudia, be abidadama taudia edia orea lalonai ia haboua.

‘Dirava ia gwau: Inai nega do kahirakahira ia doko neganai, lauegu laumana dohore lau bubua diho, taunimanima ibounai dekenai. Vadaeni umui emui natudia tau bona hahine, be dohore idia peroveta karaia, bona emui uhau taudia ese, Dirava ena hunia gaudia do idia itaia. Ma danu emui buruka taudia do idia nihi.

Inai Iesu badinaia taudia ibounai idia noho hebou, bona gau ibounai idia abia hebou. Edia gau bona edia tano idia hoia, bona davana idia haria karaia, gau lasi taudia dekenai, hegeregere idia henia.

Bona Lohiabada ena ladana dekenai do idia boiboi taudia ibounai be mauri do idia davaria.’

Dina be dohore ia dibura, bona hua be dohore ia kakakaka, rara bamona. Inai bamona toa idia vara neganai do umui diba, Lohiabada ena Dina Badana bona namo hereana be do ia kahirakahira vadaeni. Unai Dina be mai garina momokani.