Popular Bible Verses from Maka 10

Share

Pa ekipeke mo Wanda꞉halina꞉ Eiyeke kone mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ epea꞉me leekeme.

Yesuma꞉ iki handa alota꞉ Wanda꞉halima꞉ ika꞉ kone pea꞉peke na ya꞉la꞉pate Koda꞉ma꞉ homeke ana꞉ pa꞉la꞉me. Koda꞉ma꞉ hau paeyao pea꞉peke ya꞉la꞉me.

Yesuma꞉ ipiki pa꞉ta꞉ alota꞉ Neke pue. Naka꞉ hone tulaasa꞉ ekima꞉ epeaasa꞉me leekeme. Kutupa koto kone ipika꞉ leke yaapo epeeketa꞉ Yesuna꞉ hoki nane teli mea peekeme.

Koto ekina꞉ Koda꞉ma꞉ apa꞉taasa꞉ ekita꞉ halima꞉ ka꞉ta꞉alu na peaena꞉e leekeme.

Yesuma꞉ ipiki pa꞉ta꞉ handolo hata꞉ a꞉ta꞉ma꞉ homolo hata꞉ alota꞉ Nakana꞉ma꞉ta꞉ homeke hau homeke na pa꞉la꞉me. Neke pua naka꞉ wia hale alemanu paeyao ma꞉nda꞉ma꞉ hambaata꞉ mo natehali wanda꞉hali pa꞉ta꞉ hale hale pika꞉na꞉ta꞉ neketa꞉ oli hepeni nane yenki tieke wialieke leekeme. Kutupa a꞉pa ya hoki nane telia꞉peke leekeme.

Yesuma꞉ ipiki pa꞉ta꞉ alota꞉ Eki peaano hone pa꞉la꞉pe leekeme. Mo leke holupiki halima꞉ ipiki pa꞉ta꞉ alota꞉ Tekehalio. Ya leke yaapo ki laae leekeme.

Koto tupa꞉ lo halemepate ikana꞉ma꞉ta꞉ koto hau na pea꞉pa꞉peke. Iki pa꞉ta꞉ hali epima꞉ I̱ tieke halueke hone wia꞉ka꞉na꞉ta꞉ kota꞉ ipikana꞉ma꞉ ika꞉ hau peawalieke.

Iki pa꞉ta꞉ ota꞉ pi alome. Wanda꞉hali epima꞉ mo wekiwandiki sunuma꞉ Koda꞉na꞉ Kilu Tombuao Hala꞉eki minolo piteleme tupa꞉ na mimika꞉na꞉ta꞉ kota꞉ ikita꞉ koto pa꞉ta꞉ ana꞉na꞉ na hondo pambilimikie leekeme.

Kutu pa꞉la꞉pate ame do titina꞉ halo pa꞉la꞉ wanda꞉hali woputa꞉ wetepena꞉ta꞉ wetepe nane halimikie. Kutupa wetepena꞉ ipula꞉ wanda꞉hali woputa꞉ titina꞉ halo pelimikie leekeme.

ala꞉ta꞉ ala꞉ta꞉ wepia haena꞉ la꞉la꞉ dina꞉ta꞉ Koda꞉ma꞉ hali make haena꞉ wanda꞉ make haena꞉ leekeme laa Koto ekita꞉ hali ma꞉nda꞉ma꞉ ipika꞉ ateke inkiki yaapo mina꞉pa꞉lao ipika꞉ ma꞉la꞉ wanda꞉ yaapo pa꞉ta꞉ apa꞉tao ta꞉ma꞉ni pea halipipikie. Kutupa ipilikita꞉ homeke kone halipipikie leekeme. Koto ekina꞉ ipilikita꞉ yaapo dia꞉me. Homeke kone halepeme leekeme.