Popular Bible Verses from Риминхн 4

Share

Абрахам Бурхна өгсн үгд цаарандан иткв. Тер маһдлсн уга. Абрахамин иткл күч өгәд, Бурхиг тер туурулв. Бурхн өгсн үгән күцәҗ чадх чидлтә гиҗ тер йир икәр иткв.

Бурхна Бичгт иигҗ бичәтә: «Би чамаг олн келн-улсин эцкд шиидв». Абрахам Бурхнд итклә. Бурхн үксн улсиг әмдрүлнә, үзгдәд угань үзгдтхә гиҗ закна.

Мана килнцәс көлтә Исус Христос үкллә харһв, мадниг чик седклтә кехин төлә тер әмдрв.

Мел нәәлвр уга цагт Абрахам нәәлвртәһәр иткв. Тер учрар Абрахам олн келн улсин эцк болв. Бурхна Бичгт иигҗ бичәтә: «Чини хөөт-үйнр тиим йир олн болх».

Тиигәд итклин ул деер үг өггдсн учрас Абрахамин хөөт үйнрт цугтаднь Бурхна өгсн белг болҗана. Абрахамин зака күцәх хөөт үйнрт өгсн үг һанцхн теднә биш, зуг Абрахамла әдл иткдг улст бас өггдлә. Яһад гихлә, Абрахам Бурхна өмн цугтаннь эцк.

Зака эвдсинь тәвҗ өггдсн болн килнцинь тәвҗ өггдсн күн буйн кишгтә. Һарһсн килнцинь Деед Эзн эс тоолҗахла, тер күн буйн кишгтә».

Бурхна Бичгт иигҗ бичәтә: «Абрахам Бурхнд иткәд, Бурхн терүг чик седклтәд тоолв».