Popular Bible Verses from Левит 26

Share

Би тадн дунд бәәхүв. Би тадна Бурхн болхув, тадн Мини олн-әмтн болхит.

тиигхлә Би цагтнь таднд хур орулхув, һазр урһц өгх, көдәд бәәх модд темс өгх.

Кемр тадн Мини зокалмудыг күцәхлә, Мини зааврмудыг күцц бәрхлә

Би тадна орн-нутгт төвкнүн бәәдл өгнәв. Тадн орндан орад унтхла, кен чигн тадниг көндәшго. Тадна һазрас Би зерлг аңгудыг уга кенәв, тана орн-нутгиг дәврҗ күн хоосрулшго.

Би тадниг хәләхүв. Тадниг Би өнр-өсклң кехүв. Би Эврәннь бооцаһан таднла күцәнәв.

Би – Деед Эзн, тадна Бурхн. Тадниг Би Египетин улст мухла бичә болтха гиһәд, тендәс дахулҗ һарһлав. Би тадниг дүңгәһәд һоодан йовтха гиһәд, күчр-күнд мухлан җирһләс һарһҗ авлав.

Би таднла бәәхүв. Би таднд дурго болшгов.

«Бичә бийдән шүтә кетн, бичә бийдән көшә кетн, әрүслсн чолу. Терүнә хаҗуд ирҗ мөргдгоһар эврә һазр деер дүрс һарһсн чолуд бичә тәвтн. Яһад гихлә Би – Деед Эзн, тадна Бурхн.

Тадн хуучн хот-хоолын көрңгән идҗ чиләлго бәәтл терүгән һарһҗ хаяд, шин урһцд орм һарһх кергтә болх.

Таднас тавнь 100 кү зулҗ гүүлгүлх. Тана 100 күн 10 000 күүг гүүлгүлх. Тадна хортн тана үлдәс үкх.

Буудяһан хураһад автл, уста үзм цуглулх саам ирх. Уста үзмән цуглулҗ автл, тәрәһән тәрх цаг ирх. Тадн цадхлң бәәхит, эврә һазртан әәмшг уга җирһхит.

Таднас хортн зулад гүүх, тедн тана үлдәс үкх.

Мини бемб өдриг бәртн. Мини әрүн бәәриг күндлтн. Би – Деед Эзн.