Popular Bible Verses from Нүүдл 32

Share

Моше уул деерәс эс бууҗахиг әмтн медв. Тегәд тедн Ахарониг бүслҗ зогсад терүнәс некнә: – Нә, ода маднд бурх кеҗ өг, тер мадниг дахулад йовтха. Египетәс мадниг дахулҗ һарсн күн – Моше – терүнлә юн болсинь бидн медхшвидн!

– Уул деерәс шулуһар бу, – гиҗ Деед Эзн Мошед келнә. – Чини Египетәс дахулад һарһгдсн әмтн йир андрсн, ичр-һутр уга болҗ одҗ! Мини зааһад орулсн хаалһас ямаран түргәр тедн хаҗив! Тедн бийдән цутхсн бүрүһин көшә кецхәв, тедн эн көшәдән шүтҗәнә, терүнд бәрц бәрҗәнә. Иигҗ келнә: «Эн тадна Бурхн, Израиль! Эн тадниг Египетәс дахулҗ һарһв!»

Энүг үзҗәсн Ахарон туһлын кегдлин өмн тәкл тәклһнә орм кеһәд келнә: – Маңһдур Деед Эзнә нәр! Маңһдуртнь өрүһәр тедн бәрц бәрх тоотыг авч ирәд шатана, эвцлһнә бәрциг бас авч ирнә. Дарунь тедн идәд, ууһад, байртаһар дөгәд нәәрлнә.

Маңһдуртнь Моше әмтнд иигҗ келнә: – Тадна килнц йир ик! Болв би Деед Эзнд күрнәв, тадна килнциг тәвүләд чигн орквзав.