Popular Bible Verses from Нүүдл 15

Share

Эн келҗәнә: – Кемр тадн Деед Эзиг, эврә Бурхан, йосндан соңсад, Энүнә өмн чикәр кехләг, Энүнә заавринь оньгтан авхла болн Энүнә зокалмудыг күцәхлә, тиигхлә Би тадниг Египетин әмтнд хальдасн тер гемәс гетлгхв. Би Деед Эзн – тадниг эдгәхүв!

Деед Эзн – мини чидл, Эн – мини дун! Эн – мини Аврач болв! Эн – мини Бурхн, Энүг би магтҗанав! Мини өвкнрин Бурхн – Энүг деегшән өргнәв!

Бурхд дунд Та эс болхлаг, Деед Эзн, кен болхмб? Әрүн кевәрн Та эс болхлаг кен болхмб? Туурмҗдан әәмшгтә! Өвәрц йовдлмудын Бүрдәһәч!

Танар авргдсн улсиг, Та Эврәннь хәәрлтәрн дахулвт, Эврәннь чидләрн Эврәннь әрүн бәәрн талан тедниг дахулвт.

Болв Мара тал ирхләрн, тенд ус ууҗ чадсн уга – усн һашун бәәҗ. (Тегәд чигн эн һазр Мара гиҗ нерәдгднә.) Әмтн Мошед эврә һундлан келәд бәәв. – Бидн ю уухмб? – гиҗ эдн сурв. Моше Деед Эзн тал дуудвр кенә. Деед Эзн терүнд нег мод заана. Моше эн модна тасрхаг уснд хайхла, усн әмтәхн болв. Тенд Деед Эзн Эврәннь әмтнд закад болн зокалмуд өгв, тенд Деед Эзн эдниг сөрҗ хәләв.