Popular Bible Verses from Цецн Ухана Багш 1

Share

Алдр цецн уханд алдр зовлң бәәдг, Медрл өсксн күн – зовлң өскдг.

Бәәсн юмн – бәәһәд бәәх, учрсн юмн – учрад бәәх. Нарн дор шин юмн төрүц уга.

Цуг көдлмш цуцрана – цугтаһинь келҗ болшго, Кедү хәләв чигн – нүдн ханшго, кедү соңсв чигн – чикн дүүршго.

Тус уга, – гиҗ Багш келнә, – цугтан – тус уга. Шар нарн дор, кедү көдлв чигн цуг күчкөлснәс тегәд күүнд юн олз болҗана?

Теңгр дор бәәх цуг керг би үзләв, цугтан – тус уга, цугтан – сальк көөлдән.

Күүнә отг ирдг, күүнә отг давдг, һазр болхла мөңк үлддг.

Өңгрсн юман тодлхш, хөөннь болх юмиг теднә дару бәәх улс медшго.

Тегәд би цецн ухан юунд бәәдгинь, адрлһн болн һәргллһн юунд бәәдгинь зүркәрн медхәр седләв. Тернь чигн сальк көөлдлһн болҗахнь медүв.