Popular Bible Verses from 2 Көринтинхн 4

Share

Бидн үзгдҗәхиг биш, эс үзгдҗәхиг хәләҗәнәвидн. Яһад гихлә, үзгдҗәхнь цаг зуура болҗана, эс үзгдҗәхнь мөңк.

Тиигәд бидн церглтән зогсаҗахшвидн. Мана цогц-махмуд арһул элҗәнә, болв шин күн өдр ирвәс шинрҗәнә. Мана цаг зуура гиигн зовлң маднд зовлңгас кесг холван ик алдр мөңк туурмҗ маднд авч ирх.

Мадниг шахҗана, болв балцлҗ чадҗахш. Бидн алмацнавидн, болв мел цөкрҗәхшвидн. Мадниг мөрдҗ көөлднә, болв Бурхн мадниг мел үлдәхш. Мадниг гүвднә, болв алҗ чадҗахш.

Цугтаһаснь даву чидл мадна чидл биш, Бурхна чидл. Терүг үзүлхин төлә эн зөөриг бидн шавр савд бәрҗәнәвидн.

Яһад гихлә, эн делкән бурхн иткдго улсин ухаһинь харңһтрулв. Тиигхләрн теднә төлә Христосин туурмҗин туск Сән Зәңгин герл бичә гилвктхә гиҗ тиигв. Христос мел Бурхна авц-бәрцтә дүр.

Яһад гихлә, «Харңһу таңгас герл ортха!» – гисн Бурхн Христосар дамҗад Бурхна туурмҗ медтхә гиһәд, мана зүркнд герл орулв.