Popular Bible Verses from 2 Көринтинхн 12

Share

Болв Деед Эзн нанд иигҗ келв: «Чамд мини хәәрлт болҗана. Яһад гихлә, кемр күн арһ тату болхла, мини чидл улм икдәд үзгднә». Тер учрар Христосин күчн нанд үзгддгәр би бийиннь арһ татуһан байртаһар буульнав.

Би арһ татуһан, му келүлсән, күчр-күндән, көөлһсән, Христосин төлә шахгдсан зөвтә гиҗәнәв. Яһад гихлә, арһ тату болхларн, би чидлтәв.

Болв кемр би бардмнхар седхләрн, тиигхләрн би һәргтә күн кевтә келшгов, би үнәр келнәв. Зуг би бардмнхар бәәхшв, яһад гихлә, мини тускар кен чигн күн үзҗәснәсн үлүд тоолдгоһар, эс гихлә нанас соңсҗаснас үлүд тоолдгоһар санлав. Нанд Бурхн олн ил келлһ өглә. Бичә бардмнтха гиһәд Бурхн мини цогц-махмудт бог шааҗ. Эн бог эрлгин элч. Нанд өвдкүр өгхәр, намаг бичә деер сана зүүтхә гиһәд эн илгәгдҗ.