Popular Bible Verses from 1 Көринтинхн 13

Share

Дурн тесвртә болн цаһан саната, дурн үлү үзхш, караглхш. Дурн ик сана зүүхш, модьрун биш. Дурн бийдән олз хәәхш, уурта биш, өшә некхш.

Дурн цугинь даана, цугтаһинь иткнә, цугтаднь нәәлнә, дурн тесвртә.

Дурн өшәтә юмнд байрлхш, болв үнн юмнд байрлна.

Ода деерән һурвн юмн үлдҗәнә: иткл, нәәлвр, дурн. Эднәс хамгин чинртәнь дурн болҗана.

Дурн мөңк. Әәлдхл чилх, келн тагчгрх, медрл уга болх.

Кемр би цуг әмтнә келәр, нам Бурхна элчнрин келәр келдг болад, зуг дурн уга болсмн болхла, тиигхләрн би хәңкнҗәх улан мөңгн көңкрг мет болн көгҗмин әәтә цаң мет болх биләв.

Кемр нанд әәлдәчин билг бәәһәд, цуг нуувчиг меддг болад, цуг медрлтә болн итклтә болсарн уул көндәҗ чаддг болхла, зуг дурн уга бәәхлә, тиигхлә би юмн бишв.

Би кемр бәәсән цугтаһинь түгәһәд өгәд, нам эврәннь цогц-махмудан шататха гиһәд өгсмн бийнь, дурн уга болхла, нанд мел олз уга.

Би нилх цагтан нилхинәр келдг биләв, ухалдг биләв, нилх бичкнә тоолврта биләв. Болв бөдүн күн болхларн, би бичкнәк цага тоотыг авсн угав.