Popular Bible Verses from ᕒᐅᒪᓇ 12

Share

ᐁᑳᐃᐧᔭ ᒫᑲ ᑭᐢᑭᓇᐋᐧᐸᐦᑕᒧᐠ ᐅᒪ ᐊᐢᑭ: ᒫᑲ ᐃᐧ ᑫᐧᐢᑭᓈᑯᐃᑯᐃᐧᓯᐠ ᐁ ᐅᐢᑭ ᐅᓯᒋᑳᑌᐠ ᑭ ᒫᒥᑐᓀᔨᒋᑲᓂᐋᐧᐤ, ᑭᑕ ᐃᓯ ᑫᒋᓈ ᐋᐧᐸᐦᑕᐦᐃᐁᐧᔦᐠ ᑫᑲᐧᐩ ᐊᓂᒪ ᐁ ᒥᔮᐧᓯᐠ ᒥᓇ ᐁ ᒥᔮᐧᐸᑕᒥᕽ ᒥᓇ ᐁ ᒪᒥᑐᓂᒪᑲᓂᔨᐠ ᐅᐟ ᐃᑌᔨᑕᒧᐃᐧᐣ ᑭᓭᒪᓂᑐ.

ᑭ ᐸᑯᓭᔨᒥᑎᓈᐋᐧᐤ ᒫᑲ, ᓂᒋᐋᐧᒥᑎᐠ, ᑭᓭᒪᓂᑐ ᐅ ᑭᓭᐋᐧᑎᓯᐃᐧᓇ ᐅᐦᒋ, ᑭᑕ ᐃᓯ ᐸᑭᑎᓇᒣᐠ ᑭᔭᐃᐧᐋᐧᐊᐧ ᐁ ᐱᒫᑕᕽ ᐸᑭᑎᓈᓱᐃᐧᐣ, ᐁ ᑲᓈᑕᕽ, ᐁ ᒥᔮᐧᐱᓯᒥᑯᐟ ᑭᓭᒪᓂᑐ, ᐁ ᐃᑕᐢᑌᐠ ᑭᑕ ᐃᓯ ᐊᑐᐢᑲᐋᐧᔦᐠ.

ᐁ ᒪᒪᐦᑖᑯᓯᔦᐠ ᐊᐢᐯᔨᒧᐃᐧᓂᕽ; ᐁ ᓯᐯᔨᑕᒣᐠ ᐋᔨᒥᓯᐃᐧᓂᕽ; ᐁ ᑖᐱᑕᐃᐧ ᐊᔭᒥᐦᐋᔦᐠ

ᐁᑳᐃᐧᔭ ᑭ ᑲ ᐃᐧ ᓴᑯᒋᐃᑯᐣ ᑳ ᒫᔮᑕᕽ, ᒫᑲ ᓵᑯᒋᑖ ᑳ ᒫᔮᑕᕽ ᑳ ᒥᔮᐧᓯᐠ ᐅᐦᒋ.

ᐁ ᓵᑭᐦᐋᔦᑯᐠ ᐅᒋᐋᐧᒥᒫᐊᐧᐠ ᒥᑐᓂ ᒫᒥᔪᑯᑖᑐᐠ; ᑭᐢᑌᔨᑖᑯᓯᐃᐧᓂᕽ ᐁ ᓇᓂᑳᓀᔨᒥᑐᔦᐠ

ᑭᔮᒼ ᓵᑭᐦᐃᐁᐧᐃᐧᐣ ᐁᑳᐃᐧᔭ ᑲᑲᔦᔨᓯᐃᐧᐣ ᑭᑕ ᐃᐧ ᑭᑭᐸᔨᐤ. ᐸᑳᐧᑕᒧᐠ ᐊᓂᒪ ᑳ ᒫᔮᑕᕽ; ᒥᒋᒥᓇᒧᐠ ᐊᓂᒪ ᑳ ᒥᔮᐧᓯᐠ.

ᑭᐢᐱᐣ ᑭ ᐃᐢᐸᔨᑭ, ᐁ ᐃᓯ ᑲᐢᑭᑖᔦᐠ, ᒥᔪ ᐃᐧᒉᐃᐧᕽ ᑲᐦᑭᔭᐤ ᐊᔨᓯᔨᓂᐤ.

ᐁᑳᐃᐧᔭ ᐋᐯᐅᐠ ᓯᔮᑭᐦᐃᑕᑯᐠ, ᒫᑲ ᑕᐃᐧᐢᑕᒧᐠ ᑭᓯᐋᐧᓯᐃᐧᐣ: ᒋᑫᒫ ᐃᑕᓯᓇᐦᐃᑳᑌᐤ, ᐋᐯᐅᐃᐧᐣ ᓂᔭ ᓂ ᑎᐯᔨᑌᐣ; ᓂᔭ ᓂ ᑲ ᑎᐸᐦᐊᒫᑳᐣ ᐃᑌᐧᐤ ᑳ ᑎᐯᔨᐦᒋᑫᐟ.

ᑖᐱᑕᐁᐧᔨᑕᒧᐃᐧᓂᕽ ᐁᑳ ᑭᑕ ᑭᑎᒥᔦᐠ; ᐁ ᒋᑫᔨᑕᒣ ᑭᐟ ᐊᐦᒑᐦᑯᐋᐧᕽ; ᐁ ᐊᑐᐢᑲᐋᐧᔦᐠ ᑳ ᑎᐯᔨᐦᒋᑫᐟ

ᒋᑫᒫ ᓂᐟ ᐃᑖᐤ, ᓂᓱᑲᒫᑯᐃᐧᐣ ᐅᐦᒋ ᑳ ᒥᔨᑲᐃᐧᔮᐣ, ᑲᐦᑭᔭᐤ ᐁ ᐃᑕᓯᐟ ᐊᔨᓯᔨᓂᐤ ᐃᑕ ᑳ ᐊᔮᔦᐠ, ᐁᑳ ᐊᔨᐋᐧᐠ ᑭᑕ ᐃᐢᐯᔨᒥᓱᐟ ᐊᓂᒪ ᑭᑕ ᑭ ᐃᑌᔨᒥᓱᐟ; ᒫᑲ ᑭᑕ ᐃᓯ ᐅ ᒥᑐᓀᔨᒋᑲᓀᐟ ᑭᑕ ᐊᔮᑳᐧᒥᓯᐃᐧ ᒫᒥᑐᓀᔨᑕᕽ, ᑳ ᑭ ᐃᓯ ᐃᔨᑯᕽ ᒫᒥᔮᐟ ᑭᓭᒪᓂᑐ ᑲᐦᑭᔭᐤ ᐊᔨᓯᔨᓂᐊᐧ ᑖᐯᐧᔦᔨᑕᒧᐃᐧᐣ.

ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᒪᒋᑐᑖᕽ ᐁ ᒪᒋᑐᑖᑯᔦᐠ. ᒫᒥᑐᓀᔨᑕᒧᐠ ᐊᓂᐦᐃ ᑳ ᑭᐦᒉᔨᑖᑲᐧᑭ ᐁ ᐃᓯ ᑭᑕᐸᑕᕽ ᑲᐦᑭᔭᐤ ᐊᔨᓯᔨᓂᐤ.

ᐃᐧ ᐯᔭᑯᑖᐠ ᐁ ᐃᓯ ᒫᒥᑐᓀᔨᒥᑐᔦᐠ. ᐁᑳᐃᐧᔭ ᔮᔭᐁᐧᔨᑕᒧᐠ ᐊᓂᐦᐃ ᑳ ᐃᐢᐯᔨᑖᑲᐧᑭ, ᒫᑲ ᑕᐸᑎᓂᓱᐢᑕᒧᐠ ᐊᓂᐦᐃ ᑳ ᑕᐸᑌᔨᑖᑲᐧᑭ. ᐁᑳᐃᐧᔭ ᐃᔨᓂᓯᐠ ᑭᔭᐋᐧᐤ ᑭ ᑭᐢᑌᔨᒥᓱᐃᐧᓂᐋᐧᕽ.

ᒫᑲ ᑭᐢᐱᐣ ᐊᓇ ᑳ ᐸᑳᐧᑎᐢᐠ ᓄᑌᑲᑌᒋ, ᐊᓴᒼ: ᑭᐢᐱᐣ ᓄᑌᔮᐹᑫᐧᒋ ᑭ ᑲ ᒥᓇᐋᐤ: ᒋᑫᒫ ᐁᑯᓯ ᐁ ᐃᑐᑕᒪᐣ ᑭ ᑲ ᐊᓴᐢᑖᐋᐧᐣ ᐁ ᐃᐢᑯᑌᐊᐧᑭ ᑲᐢᑲᐢᑲᓭᐊᐧ ᐅᐢᑎᑳᐧᓂᕽ.

ᒥᔪ ᑭᓵᐧᑎᑯᐠ ᐊᓂᑭ ᑳ ᑯᑕᑭᐦᐃᑯᔦᑯᐠ; ᒥᔪ ᑭᓵᐧᓯᐁᐧᐠ, ᐁᑳᐃᐧᔭ ᒪᒋᐃᑌᐧᐠ. ᐃᐧᒋ ᒥᔭᐋᐧᑕᒧᒥᑯᐠ ᐊᓂᑭ ᑳ ᒥᔭᐋᐧᑕᑭᐠ; ᒥᓇ ᐃᐧᒋ ᒫᑐᒥᑯᐠ ᐊᓂᑭ ᑳ ᒫᑐᒋᐠ.

ᐁ ᐅᒋᐢᑕᒪᐋᐧᔦᑯᐠ ᐅ ᑭᐧᑕᒫᐃᐧᓂᐋᐧᕽ ᐅᑲᓈᑎᓯᐊᐧᐠ; ᐁ ᐸᐱᑐᑲᐃᐁᐧᔦᐠ.

ᒋᑫᒫ ᑳ ᐃᓯ ᒥᒉᑭ ᑭ ᐸᐢᑫᓯᐃᐧᓂᓇᐊᐧ ᐁ ᐯᔭᑲᐧᕽ ᒥᔭᐤ, ᐁᑯᓯ ᓇᒪᐃᐧᔭ ᐯᔭᑲᐧᐣ ᐁᑖᐸᑕᑭ ᑲᐦᑭᔭᐤ ᐸᐢᑫᓯᐃᐧᓇ: ᐁᑯᓯ ᑭᔮᓇᐤ, ᐁ ᒥᐦᒉᑎᔭᕽ, ᒫᒪᐃᐧ ᐯᔭᐠ ᒥᔭᐤ ᙭ ᐃᓯ, ᒥᓇ ᐸᐯᐢᑭᐢ ᐁ ᐅᐸᐢᑫᓯᐃᐧᓂᐢᑯᑖᑐᔭᕽ.