Popular Bible Verses from ᓭᐣᐟ ᒫᕒᐠ 13

Share

ᐁᑯᓯ ᑭ ᑲ ᐸᑳᐧᑎᑯᐋᐧᐊᐧᐠ ᑲᐦᑭᔭᐤ ᐊᔨᓯᔨᓂᐊᐧᐠ ᓂ ᐃᐧᔪᐃᐧᐣ ᐅᐦᒋ: ᒫᑲ ᐊᓇ ᑫ ᓯᐯᔨᑕᕽ ᑭᓯᐸᓄᕽ ᐃᐢᑯ ᐁᐊᐧᑯ ᑫ ᐱᒫᒋᐃᐦᐟ.

ᐊᔮᑳᐧᒥᓯᐠ ᑭᔭᐋᐧᐤ, ᐊᓴᐋᐧᐱᐠ ᒥᓇ ᐊᔭᒥᐦᐋᐠ: ᒋᑫᒫ ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᐃᐢᐱ ᑫ ᐅᑎᐦᒋᐸᔨᐠ.

ᐃᐢᐱ ᒫᑲ ᐃᑐᑕᐃᑯᔦᑳᐧᐃᐧ ᐅᔭᓱᐁᐧᐃᐧᓂᕽ ᒥᓇ ᐸᑭᑎᓂᑯᔦᑳᐧᐃᐧ, ᐁᑳᐃᐧᔭ ᓂᔮᐠ ᑭ ᑲ ᓯᐦᑌᔨᑕᒥᐃᑯᓈᐋᐧᐤ ᑖᓂᓯ ᑭᑕ ᐃᑌᐧᔦᐠ: ᒫᑲ ᐱᑯ ᑫ ᐃᓯ ᒥᔨᑯᐃᐧᓯᐁᐧᑫᐧ ᐁᐊᐧᑯ ᐁ ᐃᐢᐸᔨᐠ ᑎᐸᐃᐱᓯᒫᐧᐣ ᐁᐊᐧᑯ ᐃᑌᐧᐠ: ᒋᑫᒫ ᓇᒪᐃᐧᔭ ᑭᔭᐋᐧᐤ ᑳ ᐱᑭᐢᑫᐧᔦᐠ, ᒫᑲ ᑲ ᑲᓈᑎᓯᐟ ᐊᐦᒑᕽ.

ᑭᓯᐠ ᒥᓇ ᐊᐢᑭ ᑭᑕ ᐳᓂ ᐊᔮᐊᐧ, ᒫᑲ ᓂᔭ ᓂᐟ ᐃᑌᐧᐃᐧᓇ ᓇᒪᐃᐧᔭ ᑭᑕ ᐳᓂ ᐊᔮᐊᐧ.

ᒫᑲ ᐁᐊᐧᑯ ᑭᓯᑳᐤ ᒥᓇ ᐁᐊᐧᑯ ᑎᐸᐃᐱᓯᒫᐧᐣ ᓇᒪᐃᐧᔭ ᐊᐃᐧᔭᐠ ᑭᐢᑫᔨᑕᒼ; ᓇᒪᐋᐧᐨ ᐊᐦᐳ ᐅᑭᓯᑯᐊᐧᐠ ᑭᐦᒋ ᑭᓯᑯᕽ, ᓇᒪᐃᐧᔭ ᒥᓇ ᐅᑯᓯᓯᒫᐤ, ᒫᑲ ᐁᐧᔪᑖᐃᐧᕽ.

ᐃᐢᐱ ᒫᑲ ᐯᐦᑕᒣᑯ ᓄᑎᓂᑐᐃᐧᓇ ᒥᓇ ᐁ ᐋᑐᑖᑲᐧᑭ ᓄᑎᓂᑐᐃᐧᓇ, ᐁᑳᐃᐧᔭ ᒥᑯᐢᑳᑌᔨᑕᒧᐠ: ᐅᐦᐃ ᐅᒋᑕ ᐱᑯ ᑭᑕ ᑎᐱᐸᔨᑭ; ᒫᑲ ᓇᒣᐢᑲᐧ ᑭᓯᐱᐸᔨᐤ.

ᐊᓴᐋᐧᐱᐠ ᒫᑲ: ᒋᑫᒫ ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᐃᐢᐱ ᑳ ᑎᐯᔨᑕᕽ ᐋᐧᐢᑳᐦᐃᑲᐣ ᑫ ᑕᑯᓯᕽ, ᑭᐢᐱᐣ ᐁ ᐅᑖᑯᓯᐠ, ᐊᐦᐳ ᐁ ᐋᐱᑖᑎᐱᐢᑳᐠ, ᐊᐦᐳ ᐁ ᐯᐦᑖᑯᓯᐟ ᐹᑲᐋᑳᐧᐣ, ᐊᐦᐳ ᐁ ᑫᑭᓭᐹᔮᐠ: ᑫᑲ ᓯᓯᑯᐨ ᑕᑯᓯᑭ ᑭᑕ ᑭ ᒥᐢᑳᑯᔦᐠ ᐁ ᓂᐹᔦᐠ. ᐊᓂᒪ ᒫᑲ ᑭᔭᐋᐧᐤ ᑳ ᐃᑎᑕᑯᐠ ᑲᐦᑭᔭᐤ ᓂᐟ ᐃᑖᐊᐧᐠ, ᐊᓴᐋᐧᐱᐠ.

ᒋᑫᒫ ᐯᔭᑯᐢᑳᐣ ᐊᔨᓯᔨᓂᐊᐧᐠ ᑭᑕ ᐸᓯᑯᐢᑕᐁᐧᐊᐧᐠ ᑯᑕᑲ ᐁ ᐃᑕᐢᑳᓀᓯᔨᐟ, ᒥᓇ ᐅᑌᓇᐃᐧᐃᐧᐣ ᑯᑕᐠ ᐅᑌᓇᐃᐧᐃᐧᐣ: ᐁᑯᓯ ᑭᑕ ᑭᑲᐧᐣ ᐹᐱᑐᐢ ᐃᑕ; ᑭᑕ ᓄᑌᑲᑖᓂᐊᐧᐣ: ᐁᐊᐧᑲᐧᓂ ᐅᐦᐃ ᐁ ᒫᒋᐸᔨᑭ ᑯᑕᑭᑖᐃᐧᓇ.

ᒫᑲ ᒥᔪ ᐋᒋᒧᐃᐧᐣ ᓂᑳᐣ ᐅᒋᑕ ᐱᑯ ᑭᑕ ᐃᐧᐦᑕᒫᒋᐠ ᑲᐦᑭᔭᐤ ᐁ ᐃᑕᐢᑳᓀᓯᒋᐠ ᐊᔨᓯᔨᓂᐊᐧᐠ.

ᒥᐦᒉᐟ ᑭᑕ ᐯ ᐃᑐᐦᑌᐊᐧᐠ ᓂ ᐃᐧᔪᐃᐧᓂᕽ ᐁ ᐃᑌᐧᒋᐠ, ᓂᔭ ᐁᐊᐧᑯ; ᐁᑯᓯ ᒥᐦᒉᐟ ᑭᑕ ᐊᐧᓂᒥᑎᒣᑕᐁᐊᐧᐠ.

ᒫᑲ ᐊᔮᑲᐧᒥᓯᐠ ᑭᔭᐋᐧᐤ; ᒋᑫᒫ ᑭ ᑲ ᐸᑭᑎᓂᑯᐋᐧᐊᐧᐠ ᐅᔭᓱᐁᐧᐃᐧᓂᕽ; ᒥᓇ ᑭ ᑲ ᐸᐸᑲᒪᐅᑲᐃᐧᓈᐋᐧᐤ ᐊᔭᒥᐦᐁᐃᐧᑲᒥᑯᕽ; ᒥᓇ ᑭ ᑲ ᐅᑎᐢᑲᐃᐧᑳᐸᐃᐧᐢᑕᐋᐧᐋᐧᐊᐧᐠ ᐅᔭᓱᐁᐧᐃᐧᑭᒫᐊᐧᐠ ᒥᓇ ᑭᐦᒋ ᐅᑭᒫᐊᐧᐠ ᓂᔭ ᐅᐦᒋ, ᑭᑕ ᐋᒋᒧᐢᑕᐋᐧᔦᑯᐠ.

ᒋᑫᒫ ᑭᑕ ᒧᐢᑭᐊᐧᐠ ᓇᐢᐹᐨ ᙭ᐊᐠ ᒥᓇ ᓇᐢᐹᐨ ᐅᑭᐢᑭᐁᐧᐦᐃᑫᐊᐧᐠ, ᐁᑯᓯ ᑭᑕ ᐋᐧᐸᑎᔨᐁᐧᐊᐧᐠ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᒥᓇ ᐁ ᒫᒪᐢᑳᑌᔨᑖᑲᐧᑭ, ᑭᑕ ᐊᐧᓂᒥᑎᒣᑕᐋᒋᐠ, ᑭᐢᐱᐣ ᑭ ᐃᑭᕽ, ᐊᐦᐳ ᐊᐧᐁᐧᔦᔨᒫᑲᓇ.

ᒫᑲ ᐁᑯᐢᐱ ᑲᑭᓯᑲᑭ, ᒣᐧᐢᑕᐢ ᐃᔨᑯᕽ ᐊᓂᒪ ᐋᔨᒥᓯᐃᐧᐣ, ᐱᓯᒼ ᑭᑕ ᐊᐧᓂᑎᐱᐢᑭᓯᐤ, ᒥᓇ ᑎᐱᐢᑳᐃᐧ ᐱᓯᒼ ᓇᒪᐃᐧᔭ ᑭᑕ ᐋᐧᓭᔮᓯᑫᐤ, ᐊᒐᐦᑯᓴᐠ ᑭᑕ ᐸᐦᑭᓯᓇᐧᐠ ᑭᓯᑯᕽ ᐅᐦᒋ, ᐁᑯᓯ ᓱᑫᔨᑖᑯᓯᐃᐧᓇ ᑭᓯᑯᕽ ᑳ ᐊᔮᑭ ᑭᑕ ᓇᓇᒥᐸᔨᐊᐧ.