Popular Bible Verses from ᒑᐢᔪᐊ 1

Share

ᓇᒪ ᒋ ᑭ ᑭ ᓯᑭᒥᑎᐣ? ᒪᐢᑲᐃᐧᓯ ᒥᓇ ᒪᐢᑲᐁᐧᔨᑕ; ᐁᑳᐃᐧᔭ ᑯᐢᑖᒋ, ᐊᐦᐳ ᐁᑳ ᓭᑭᓯ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᐃᐧᒉᐃᐧᐠ ᐃᑌ ᐁᐊᔨᑐᑌᔭᐣ.

ᐅᒪ ᐃᑕᓱᐁᐧᐃᐧ ᒪᓯᓇᐦᐃᑲᐣ ᓇᒪᐃᐧᔭ ᑭᑕ ᓯᐯᐧᑌᒪᑲᐣ ᑭᑐᓂᕽ ᐅᐦᒋ; ᒫᑲ ᑭ ᑲ ᒫᒥᑐᓀᔨᑌᐣ ᐁ ᑭᓯᑳᐠ ᒥᓇ ᐁ ᑎᐱᐢᑳᐠ, ᑭᑕ ᐅᐦᒋ ᐃᑌᔨᑕᒪᐣ ᑭᑕ ᐃᑐᑕᒪᐣ ᑲᐦᑭᔭᐤ ᐁᑯᑕ ᑳ ᒪᓯᓇᐃᑳᑌᑭ; ᒋᑫᒫ ᐁᑯᑕ ᑫ ᐅᐦᒋ ᔭᑭᐅᒪᑲᕽ ᑭ ᐱᒧᐦᑌᐃᐧᐣ, ᒥᓇ ᐁᐊᐧᑯ ᑫ ᐅᐦᒋ ᒥᔪ ᑲᐢᑭᑕᒪᓱᔭᐣ.

ᐱᑯ ᒪᐢᑲᐃᐧᓯ ᒥᓇ ᓇᐢᐱᐨ ᒪᐢᑲᐁᐧᔨᑕ, ᑭᑕ ᑲᓇᐁᐧᔨᑕᒪᐣ ᑭᑕ ᑐᑕᒪᐣ ᑳ ᐃᑕᐢᑌᐠ ᑲᐦᑭᔭᐤ ᐃᑕᓱᐁᐧᐃᐧᐣ, ᐊᓂᒪ ᒧᓯᐢ ᓂᐟ ᐊᑐᐢᑫᔮᑲᐣ ᑳ ᑭ ᓯᑭᒥᐢᐠ, ᐁᑳᐃᐧᔭ ᓇᑲᑕ ᑭᒋᓂᐢᑭᕽ ᐃᓯ ᐊᐦᐳ ᓇᒪᑎᓂᕽ, ᑭᑕ ᐅᐦᒋ ᒥᔪᐸᔨᔭᐣ ᐱᑯ ᐃᑌ ᐁ ᐸᐹᐊᔨᑐᑌᔭᐣ.

ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᑲᐢᑭᑕᐤ ᑭᑕ ᐅᑎᐢᑲᐃᐧᑲᐸᐃᐧᐢᑕᐢᐠ ᐃᔨᑯᕽ ᑫ ᐱᒫᑎᓯᔭᐣ; ᒣᐧᐦᒋ ᑲ ᑭ ᐃᓯ ᐃᐧᒉᐊᐧᐠ ᒧᓯᐢ, ᐁᑯᓯ ᒣᐧᐦᒋ ᑫ ᐃᓯ ᐃᐧᒉᐃᐧᑕᐣ, ᓇᒪᐃᐧᔭ ᑭ ᑲ ᓇᑲᑎᑎᐣ, ᐊᐦᐳ ᓇᒪᐃᐧᔭ ᑭ ᑲ ᐁᐧᐱᓂᑎᐣ

ᒪᐢᑲᐃᐧᓯ ᒥᓇ ᒪᐢᑲᐁᐧᔨᑕ; ᒋᑫᒫ ᐅᑯ ᐊᔨᓯᔨᓂᐊᐧᐠ ᑭ ᑲ ᒪᑎᓇᒪᐋᐧᐊᐧᐠ ᑭᑕ ᑎᐯᔨᐦᑕᑭᐠ ᐅᒪ ᐊᐢᑭ, ᐊᓂᒪ ᑲ ᑭ ᐃᐧᐦᑕᒫᒪᐠ ᐅᑕᐃᐧᐋᐧᐊᐧ ᐁ ᑭᐦᒋ ᐃᑌᐧᔭᐣ ᑭᑕ ᒥᔭᑭᐠ.

ᐱᑯ ᐊᓂᒪ ᐊᐢᑭ ᑫ ᓴᒥᓯᑌᐢᑲᒣᐠ, ᐁᐊᐧᑯ ᑳ ᒥᔨᑕᑯᐠ, ᒣᐧᐦᒋ ᑳ ᑭ ᐃᑕᐠ ᒧᓯᐢ.

ᒧᓯᐢ ᓂᐟ ᐊᑐᐢᑫᔮᑲᐣ, ᑭ ᓂᐱᐤ, ᐁᑲᐧ ᒫᑲ ᐸᓯᑯ, ᐊᓱᐊᐧᐊ ᐅᒪ ᒑᕒᑕᐣ, ᑭᔭ, ᒥᓇ ᑲᐦᑭᔭᐤ ᐅᑯ ᐊᔨᓯᔨᓂᐊᐧᐠ, ᑭᑕ ᓈᑕᒣᐠ ᐊᓂᒪ ᐊᐢᑭ ᑳ ᒥᔭᑭᐠ, ᐊᓂᑭ ᐅᑎ ᐃᐢᕒᐁᐃᓬ ᐅᑕᐋᐧᓯᒥᓴ.

ᐃᐢᐱ ᒫᑲ ᓵᓴᐩ ᑳ ᓂᐱᐟ ᒧᓯᐢ ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ ᑭ ᐅᑎᐦᒋᐸᔨᐤ, ᑳ ᑎᐯᔨᐦᒋᑫᐟ ᐁ ᑭ ᐊᔭᒥᐦᐋᐟ ᒑᐢᔪᐊᐊᐧ, ᐅᑯᓯᓴ ᓇᐣ, ᒧᓯᐢ ᐅᐟ ᐊᑐᐢᑫᔮᑲᓂᔨᐊᐧ, ᐅᒥᓯ ᐁ ᐃᑖᐟ

ᐱᑲᐧᑕᐢᑲᒥᑲᕽ ᐅᐦᒋ, ᒥᓇ ᐅᒪ ᓬᐁᐱᓇᐣ, ᑭᐦᒋ ᓯᐱᕽ ᐃᓴ ᐱᑯ ᐃᐢᑯ, ᐊᓂᒪ ᓯᐱ ᔪᐸᕒᐁᑎᐢ, ᒥᓇ ᒥᓯᐁᐧ ᐅᐟ ᐊᐢᑭᐋᐧᐤ ᐊᓂᑭ ᐦᐃᑕᐃᑕᐠ, ᒥᓇ ᑭᒋᑲᒥᕽ ᐃᐢᑯ ᑳ ᐃᓯ ᐸᐦᑭᓯᒧᐠ ᐃᑌᐦᑫ, ᑭ ᑳ ᐃᓯ ᐊᐧᐢᑲ ᑎᐯᔨᐦᑌᓈᐋᐧᐤ.

ᐊᐁᐧᓇᓇ ᐱᑯ ᑫ ᒪᔦᔨᑕᒧᑫᐧ ᑭ ᑲᑫᐢᑭᒥᐁᐧᐃᐧᐣ, ᒥᓇ ᐁᑳ ᑫ ᓇᑐᑕᒧᑫᐧ ᑭᐟ ᐃᑌᐧᐃᐧᐣ ᑲᐦᑭᔭᐤ ᐊᓂᒪ ᑳ ᐃᓯ ᓯᑭᒪᐟ, ᑭᑕ ᓂᐸᐦᐋᐤ; ᐱᑯ ᑭᔮᒼ ᒪᐢᑲᐃᐧᓯ ᒥᓇ ᒪᐢᑲᐁᐧᔨᑕ.

ᓵᐳᐢᑲᑯᐠ ᐅᓇᑐᐸᔨᐊᐧᐠ, ᒥᓇ ᓯᑭᒥᑯᐠ ᐊᔨᓯᔨᓂᐊᐧ; ᐁ ᐃᑌᐧᔦᐠ ᓂᒪᐃᐧᓂᑲᓱᐠ ᐃᓴ ᒋᑫᒫ ᑭ ᐳᓂ ᓂᐢᑐ ᑭᓯᑳᑭ ᑭ ᑲ ᐋᐦᐊᐧᐁᓈᐋᐧᐤ ᐅᒪ ᒑᕒᑕᐣ, ᑭᑕ ᓂᑕᐃᐧ ᑎᐯᔨᐦᑕᒣᐠ ᐊᐢᑭ, ᑳ ᒥᔨᑯᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭᑕ ᑎᐯᔨᐦᑕᒣᐠ.