Popular Bible Verses from ᑲᓬᐁᓯᔭᓇ 5

Share

ᒫᑲ ᐃᐧᔭ ᐅ ᒥᓂᓯᐃᐧᐃᐧᐣ ᐊᐦᒑᕽ ᐁᐊᐧᑯ ᓵᑭᐦᐃᐁᐧᐃᐧᐣ, ᒫᒪᑖᑯᓯᐃᐧᐣ, ᐯᔭᑕᑫᔨᒧᐃᐧᐣ, ᓯᐯᔨᑕᒧᐃᐧᐣ, ᑭᓭᐋᐧᑎᓯᐃᐧᐣ, ᒥᔮᐧᑎᓯᐃᐧᐣ, ᑖᐯᐧᐃᐧᐣ, ᔪᐢᑲᑎᓯᐃᐧᐣ, ᓇᐃᔨᑯᑳᐧᑎᓯᐃᐧᐣ: ᓇᒪᐃᐧᔭ ᐃᐦᑕᑲᐧᐣ ᐅᔭᓱᐁᐧᐃᐧᐣ ᐁᐊᐧᑯᓂ ᐁ ᓇᐢᐹᑕᐢᑌᑭ.

ᒫᑲ ᓂᐟ ᐃᑖᐧᐣ, ᐱᒧᐦᑌᐠ ᐁ ᐃᓯ ᑭᐢᑭᓄᑕᐃᑯᔦᐠ ᐊᐦᒑᕽ, ᐁᑯᓯ ᓇᒪᐃᐧᔭ ᑭ ᑲ ᑎᐱᑐᑌᓈᐋᐧᐤ ᐁ ᐃᓯ ᒪᒋ ᒧᐢᑕᐁᐧᔨᑕᒧᒪᑲᕽ ᐃᐧᔮᓯᐃᐧᐃᐧᐣ.

ᑭᐢᐱᐣ ᐊᐦᒑᕽ ᑯᐦᒋ ᐱᒫᑎᓯᓈᓇᐤ, ᐊᐦᒑᐦᑯᕽ ᐅᐦᒋ ᒥᓇ ᐱᒧᐦᑌᑖᐠ.

ᐊᓂᑭ ᒫᑲ ᙭ ᒋᓴᓴ ᑳ ᑎᐯᔨᒥᑯᒋᐠ ᑭ ᒋᐢᑕᐦᐋᐢᑳᐧᑕᒪᐧᐠ ᐃᐧᔮᓯᐃᐧᐃᐧᐣ ᑭᑭ ᐁ ᐃᓯ ᓇᑕᐁᐧᔨᑕᒧᒪᑲᕽ ᒥᓇ ᐁ ᐃᓯ ᒪᒋ ᒧᐢᑕᐁᐧᔨᑕᒧᒪᑲᕽ.

ᐁ ᐃᑕᑐᐢᑫᒪᑲᕽ ᒫᑲ ᐃᐧᔮᓯᐃᐧᐃᐧᐣ ᑭᐢᑫᔨᑖᑲᐧᐣ, ᐁᐊᐧᑯᓂ ᐅᐦᐃ, ᐱᓯᑳᐧᑎᓯᐃᐧᐣ, ᐃᐧᓂᐅᐃᐧᐣ, ᒫᒪᐃᐧᐃᑐᐃᐧᐣ, ᒪᓂᑐᑫᐃᐧᐣ, ᒥᑌᐃᐧᐃᐧᐣ, ᒪᒋ ᐃᑌᔨᒥᑐᐃᐧᓇ, ᓄᑎᓂᑐᐃᐧᐣ, ᑳᑫᐧᔨᑐᐃᐧᓇ, ᑭᓯᐋᐧᓯᐃᐧᓇ, ᑲᑫᐧ ᐸᐢᑭᔮᑐᐃᐧᓇ, ᐸᐯᐢᑭᒋᐃᑐᐃᐧᓇ. ᓇᐢᐹᐨ ᐊᔭᒥᐦᐋᐃᐧᓇ, ᐃᓴᐋᐧᓇᑫᔨᒧᐃᐧᓇ, ᑭᐢᑫᐧᐯᐃᐧᓇ, ᑭᐢᑫᐧᑲᒥᑭᓯᐃᐧᓇ, ᒥᓇ ᐁᑯᑐᐊᐧ: ᐁᐊᐧᑯᓂ ᓂᔮᐠ ᑳ ᐊᔮᑳᐧᒥᒥᑕᑯᐠ, ᑖᐱᐢᑯᐨ ᓵᓴᐩ ᑳ ᑭ ᐃᓯ ᐊᔮᑳᐧᒥᒥᑕᑯᐠ, ᐊᓂᑭ ᑳ ᐃᑐᑕᐦᑭᐠ ᐁᑯᑐᐊᐧ ᓇᒪᐃᐧᔭ ᑭᑕ ᐊᔮᐊᐧᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ.

ᒋᑫᒫ ᑭᔭᐋᐧᐤ, ᓂᒋᐋᐧᒥᑎᐠ, ᑭ ᑭ ᓇᑐᒥᑲᐃᐧᓈᐋᐧᐤ ᑎᐯᔨᒥᓱᐃᐧᓂᕽ; ᐱᑯ ᐁᑳᐃᐧᔭ ᐋᐸᒋᑖᐠ ᑭ ᑎᐯᔨᒥᓱᐃᐧᓂᐋᐧᐤ ᑭᑕ ᐅᐦᒋ ᓇᐦᐃᔭᐁᐧᑖᔦᐠ ᐃᐧᔮᓯᐃᐧᐃᐧᐣ, ᒫᑲ ᓵᑭᐦᐃᐁᐧᐃᐧᓂᕽ ᐊᑐᐢᑫᐢᑖᑐᐠ.

ᒋᑫᒫ ᐃᐧᔮᓯᐃᐧᐃᐧᐣ ᒧᐢᑕᐁᐧᔨᑕᒧᒪᑲᐣ ᓇᐢᐹᐨ ᐁ ᐃᓯ ᒧᐢᑕᐁᐧᔨᑕᕽ ᐊᐦᒑᕽ, ᐁᑯᓯ ᐊᐦᒑᕽ ᓇᐢᐹᐨ ᐁ ᐃᓯ ᒧᐢᑕᐁᐧᔨᑕᒧᒪᑲᕽ ᐃᐧᔮᓯᐃᐧᐃᐧᐣ; ᒋᑫᒫ ᐅᐦᐃ ᐁᐧᐋᐧᑕᐢᑌᐊᐧ; ᐁᑳ ᑭᑕ ᐃᑐᑕᒣᐠ ᐊᓂᐦᐃ ᑳ ᐃᐧ ᐃᑐᑕᒣᐠ.

ᒋᑫᒫ ᒥᓯᐁᐧ ᐅᔭᓱᐁᐧᐃᐧᐣ ᑎᐱᑐᒋᑳᑌᐤ ᐯᔭᐠ ᐃᑌᐧᐃᐧᓂᕽ, ᐅᒪ ᐅᑎ; ᑭ ᑲ ᓵᑭᐦᐋᐤ ᑭᐦᒋ ᐊᔨᓯᔨᓂᐤ ᑖᐱᐢᑯᐨ ᑭᔭ ᑳ ᐃᓯ ᓵᑭᐦᐃᓱᔭᐣ.

ᐁᑳᐃᐧᔭ ᐱᑯᓇᑕ ᑭᐢᑌᔨᒥᓱᑖᐠ, ᐁ ᑲᑭᓯᐋᐧᐃᑐᔭᕽ, ᐁ ᐃᓴᐋᐧᓇᑫᔨᒧᑐᑖᑐᔭᕽ.

ᑎᐯᔨᒥᓱᐃᐧᐣ ᐅᐦᒋ ᑭ ᑭ ᑎᐯᔨᒥᓱᐃᑯᓇᐤ ᙭: ᓱᑭᑳᐸᐃᐧᐠ ᒫᑲ ᐁᑯᓯ ᐁᑳᐃᐧᔭ ᒥᓇ ᑭ ᑲ ᐃᐧ ᓇᑳᐧᑎᑲᐃᐧᓈᐋᐧᐤ ᐊᐋᐧᑳᑎᑯᐃᐧ ᑖᐱᐢᑳᑲᓂᕽ.