Popular Bible Verses from ᐁᐠᓴᑕᐢ 9

Share

ᒥᓇ ᐁᐊᐧᑯ ᐅᒪ ᐅᐦᒋ ᑳ ᑭ ᐸᓯᑯᓂᑖᐣ, ᑭᑕ ᐋᐧᐸᐦᑕᐦᐃᑖᐣ ᓂ ᑲᐢᑭᐦᐁᐃᐧᓯᐃᐧᐣ; ᒥᓇ ᓂ ᐃᐧᔪᐃᐧᐣ ᑭᑕ ᐃᐧᒋᑳᑌᐠ ᒥᓯᐁᐧ ᐊᐢᑭᕽ.

ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭ ᐃᑌᐤ ᒧᓯᓴ, ᐱᑐᑲᐤ ᐯᕒᐅ ᐃᐧᑖᒪᐤ ᒫᑲ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᐦᐃᐸᕒᐅᐊᐧᐠ, ᐸᑭᑎᓂᐠ ᓂᐟ ᐊᔨᓯᔨᓂᒪᐠ ᑭᑕ ᓯᐯᐧᑌᒋᐠ ᑭᑕ ᐊᑐᐢᑲᐃᐧᒋᐠ.

ᒋᑫᒫ ᐁᑲᐧ ᑫ ᓱᐃᐧᓂᐢᑫᔮᐣ, ᑭᑕ ᐸᑲᒪᐅᑖᐣ ᒥᓇ ᑭᐟ ᐊᔨᓯᔨᓂᒪᐠ ᑭᐦᒋ ᐃᑖᐢᐱᓀᐃᐧᐣ ᐅᐦᒋ; ᑭ ᑲ ᑭᐢᑲᑕᐦᐅᑲᐃᐧᐣ ᒫᑲ ᐊᐢᑭᕽ ᐅᐦᒋ.

ᒫᑎᑲ, ᐅᒋᐦᒋ ᑳ ᑎᐯᔨᐦᒋᑫᐟ ᐸᑲᒥᐢᑳᑲᐧᐠ ᐊᓂᑭ ᑭᐟ ᐊᐊᐧᑳᓇᐠ ᑳ ᐸᐹᒥ ᐊᔮᒋᐠ, ᒥᐢᑕᑎᒪᐧᐠ ᒥᓇ ᓱᓱᒥᐢᑕᑎᒪᐧᐠ, ᑭ ᐱᐢᑳᐧᐃᐧᑲᓀᒪᐠ ᒥᓇ ᑭ ᒧᐢᑐᓱᒪᐠ, ᒥᓇ ᒫᔭᑎᐦᑲᐧᐠ; ᑭᑕ ᐅᑎᑎᐦᑲᐧᐠ ᓈᐢᐱᐨ ᐁ ᐋᐦᑲᐧᕽ ᐱᓯᐢᑭᐋᐧᐢᐱᓀᐃᐧᐣ. ᑳ ᑎᐯᔨᐦᒋᑫᐟ ᒫᑲ ᐱᑐᐢ ᑭᑕ ᐃᑐᑕᐁᐧᐤ ᐅᐟ ᐊᐊᐧᑳᓂᔨᐊᐧ ᐊᓂᐦᐃ ᐃᐢᕒᐁᐃᓬ ᒥᓇ ᐊᐊᐧᑳᓇ ᐊᓂᑕ ᐃᒋᑊᐟ ᐊᐢᑭᕽ, ᓇᒪᐋᐧᐨ ᒫᑲ ᑫᑲᐧᐩ ᑭᑕ ᓂᐳᒪᑲᐣ ᑳ ᐅᐟ ᐊᔮᓂᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.

ᒫᑎᑲ ᐋᐧᐸᐦᑭ ᓈᐣᑕᐤ ᐅᒪ ᐃᐦᑭᑭ ᓂ ᑲ ᑭᒥᐊᐧᓂᐦᑖᐣ ᓈᐢᐱᐨ ᑭᑕ ᑭᐦᒋ ᓭᓭᑲᕽ, ᐁᑳ ᐃᐧᑳᐨ ᑳ ᑭ ᐯ ᐃᐦᑭᕽ ᐃᒋᑊᑎᕽ ᐊᐢᐱᐣ ᑳ ᐯ ᐅᐦᒋ ᐃᐦᑕᑲᐧᕽ ᐊᐦᐳᒋᑲ ᐱᔨᐢ ᐊᓄᐦᐨ. ᐃᓯᑎᓴᐦᐅᐁᐧ ᒫᑲ ᐁᑲᐧ ᒫᐊᐧᒋᐦᐃᐠ ᑭᐟ ᐊᐊᐧᑳᓇᐠ ᒥᓇ ᑳ ᑕᐦᑐ ᐊᔮᔭᐣ ᐅᐦᐱᒣ, ᒋᑫᒫ ᑲᐦᑭᔭᐤ ᐊᔨᓯᔨᓂᐤ ᒥᓇ ᐱᓯᐢᑭᐤ ᑫ ᒥᐢᑲᐋᐧᐃᐧᑌ ᐅᐦᐱᒣ ᐃᑕ, ᐁᑳ ᑭᐁᐧᑕᐃᐦᒋ, ᐊᓂᒪ ᓭᓭᑲᐣ ᑭᑕ ᐸᑲᒥᐢᑳᐠ ᐁᑯᓯ ᑭᑕ ᓂᐱᐤ.

ᐁᑯᓯ ᒫᑲ ᑭᑕ ᐱᓯᐅᐦᐯᐧᐸᔨᐤ ᒥᓯᐁᐧ ᐃᒋᑊᐟ ᐊᐢᑭᕽ, ᐁᑯᓯ ᓯᑭᐦᐱᕽ ᑭᑕ ᐃᓯ ᒧᐢᑭᐸᔨᐟ ᐊᔨᓯᔨᓂᐤ ᒥᓇ ᐱᓯᐢᑭᐤ ᒥᓯᐁᐧ ᐁᐢᐱᒑᐠ ᐃᒋᑊᐟ ᐊᐢᑭ. ᑭ ᐅᑎᓇᒪᐧᐠ ᒫᑲ ᐱᐦᑯᑌᐤ ᑎᐦᑳᐱᐢᑭᓯᑲᓂᕽ ᐅᐦᒋ, ᒥᓇ ᐁ ᑭ ᐅᐦᑎᐢᑲᐃᐧᑳᐸᐃᐧᐢᑕᐋᐧᒋᐠ ᐯᕒᐅᐊᐧ; ᒧᓯᐢ ᒫᑲ ᑭᓯᑯᕽ ᑭ ᐃᓯ ᓯᓭᐧᐁᐧᐱᓇᒼ; ᐁᑯᓯ ᑭ ᒧᐢᑭᐸᔨᐤ ᐁ ᐅᓯᐦᑭᐱᒥᐟ ᐊᔨᓯᔨᓂᐤ ᒥᓇ ᐱᓯᐢᑭᐤ.