Popular Bible Verses from ᐁᐠᓴᑕᐢ 7

Share

ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᒫᑎᑲ, ᑭ ᑭ ᐃᓯᐦᐃᑎᐣ ᑖᐱᐢᑯᐨ ᑭᑕ ᐅ ᒪᓂᑐᒥᐟ ᐯᕒᐅ; ᐁᕒᐊᐣ ᒫᑲ ᑭᒋᐋᐧᒼ ᑭ ᑲ ᐅᑭᐢᑭᐁᐧᐦᐃᑫᐃᐧᔨᓂᒥᐣ.

ᓂ ᑲ ᒪᐢᑲᐃᐧᑖᐋᐧᐣ ᒫᑲ ᐯᕒᐅ ᐅᑌᐦ, ᒥᓇ ᓂ ᑲ ᒥᐦᒉᑐᑖᐣ ᓂ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᒥᓇ ᓂ ᒪᒫᑖᐃᐧ ᐊᑐᐢᑫᐃᐧᓇ ᐃᒋᑊᐟ ᐊᐢᑭᕽ. ᒫᑲ ᐯᕒᐅ ᓇᒪᐃᐧᔭ ᑭ ᑲ ᓇᑐᐦᑖᑯᐋᐧᐤ, ᐁᑯᓯ ᓂ ᑲ ᐹᑕᑯᓀᐣ ᐃᒋᑊᐟ, ᐁᑯᓯ ᑭᑕ ᐊᐧᔭᐃᐧᑕᐊᑭᐠ ᓂ ᓄᑎᓂᑫᒪᐠ ᒥᓇ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐃᒋᑊᐟ ᐊᐢᑭᕽ ᐅᐦᒋ ᐁ ᐋᐸᒋᐦᑖᔮᐣ ᑭᐦᒋ ᐅᔭᓱᐋᐧᓯᐁᐧᐃᐧᓇ.

ᐊᓂᑭ ᒫᑲ ᐃᒋᑊᐟ ᐊᔨᓯᔨᓂᐊᐧᐠ ᑭᑕ ᑭᐢᑫᔨᑕᒪᐧᐠ ᓂᔭ ᐁ ᑎᐯᔨᐦᒋᑫᔮᐣ ᐃᐢᐱ ᓱᐃᐧᓂᐢᑫᐢᑕᒫᓂ ᐊᓂᒪ ᐃᒋᑊᐟ ᒥᓇ ᐯ ᐊᐧᔭᐃᐧᑕᐦᐃᒪᑭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᑕ ᐁ ᐊᔮᒋᐠ ᐅᐦᒋ.

ᐁᑲᐧ ᒫᑲ ᐯᕒᐅ ᐃᐧᐢᑕ ᑭ ᓇᑐᒣᐤ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᒥᓇ ᒥᑌᐊᐧ ᐊᓂᑭ ᒫᑲ ᒥᑌᐊᐧᐠ ᐃᒋᑊᑎᕽ ᐁᑯᓯ ᐃᐧᐢᑕᐋᐧᐤ ᑭ ᑐᑕᒪᐧᐠ ᐅ ᒥᑌᐃᐧᐃᐧᓂᐋᐧᐤ ᐅᐦᒋ. ᒋᑫᒫ ᑲᐦᑭᔭᐤ ᐁ ᐃᐦᑕᓯᒋᐠ ᑭ ᐃᓯᐁᐧᐱᓇᒪᐧᐠ ᐅ ᓱᐢᑲᐅᓈᑎᑯᐋᐧᐊᐧ ᐁᑯᓯ ᒫᑲ ᑭ ᑭᓀᐱᑯᐊᐧᓂᔨᐊᐧ; ᒫᑲ ᐁᕒᐊᐣ ᐅ ᓴᐢᑲᐅᐣ ᑭ ᑯᐦᒋᐸᔨᑖᐁᐧᐤ ᑲᐦᑭᔭᐤ ᐅ ᓴᐢᑲᐅᓂᔨᐊᐧ.

ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ, ᐅᑕ ᑭ ᑲ ᐅᐦᒋ ᑭᐢᑫᔨᑌᐣ ᓂᔭ ᐁ ᑌᐯᔨᐦᒋᑫᔮᐣ; ᒫᑎᑲ, ᓂ ᑲ ᐸᑲᒪᐁᐣ ᓂᐱᔭ ᓯᐱᕽ ᑳ ᐊᔮᑭ ᐅᒪ ᓴᐢᑲᐅᓈᑎᐠ ᑳ ᒥᒋᒥᓇᒫᐣ ᓂᒋᐦᒋᕽ ᐅᐦᒋ, ᐁᑯᓯ ᒫᑲ ᑭᑕ ᒥᐦᑯᐊᐧᐣ.

ᐃᐢᐱ ᐯᕒᐅ ᐊᔭᒥᐃᑯᔦᑯ ᐃᑌᐧᒋ ᒫᑲ, ᐋᐧᐸᐦᑕᐦᐃᐁᐧᐠ ᑭ ᒪᒫᑖᐃᐧ ᐃᓯᐦᒋᑫᐃᐧᓂᐋᐧᐊᐧ ᐁᑯᓯ ᒫᑲ ᐅᒥᓯ ᑭ ᑲ ᐃᑖᐤ ᐁᕒᐊᐣ, ᐅᑎᓇ ᑭ ᓴᐢᑲᐅᓈᑎᐠ ᐃᓯᐁᐧᐱᓇᒪᐤ ᐯᕒᐅ, ᐁᑯᓯ ᒫᑲ ᑭᑕ ᑭᓀᐱᑯᐊᐧᐣ. ᒧᓯᐢ ᒫᑲ ᐊᓯᒋ ᐁᕒᐊᐣ ᑭ ᐱᑐᑲᐁᐧᐊᐧᐠ ᐯᕒᐅᐊᐧ ᐁ ᑭ ᑐᑕᐦᑭᐠ ᒫᑲ ᐊᓂᒪ ᑳ ᑎᐯᔨᐦᒋᑫᔨᐟ ᑳ ᑭ ᐃᑕᓱᐋᐧᑎᑯᒋᐠ; ᐁᕒᐊᐣ ᒫᑲ ᑭ ᐃᓯᐁᐧᐱᓇᒼ ᐅ ᓴᐢᑲᐅᓈᑎᐠ ᐁᑖᐢᑕᒪᐱᔨᐟ ᐯᕒᐅᐊᐧ, ᒥᓇ ᐁᑖᐢᑕᒪᐱᔨᐟ ᐅᐟ ᐊᑐᐢᑫᔮᑲᓂᔨᐊᐧ, ᐁᑯᓯ ᐁ ᑭ ᑭᓀᐱᑯᐊᐧᓂᔨᐠ.