Popular Bible Verses from ᐁᐠᓴᑕᐢ 15

Share

ᐅᒥᓯ ᒫᑲ ᑭ ᐃᑌᐤ, ᑭᐢᐱᐣ ᑫ ᐊᐦᑲᒥ ᓇᑐᐦᑕᒧᐊᐧᓂ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᑫ ᐃᐦᑐᑕᒧᐊᐧᓀ ᐊᓂᒪ ᑳ ᐃᓯ ᒥᔮᐧᐱᓯᒥᑯᐟ, ᒥᓇ ᐃᐧ ᓇᑐᐦᑕᒪᐧᒋ ᐅᐟ ᐃᑕᓱᐁᐧᐃᐧᓇ, ᒥᓇ ᑲᓀᐧᔨᑕᒪᐧᒋ ᐅ ᑲᑫᐢᑫᐧᐃᐧᓇ, ᓇᒪᐋᐧᐨ ᐯᔭᐠ ᐅᐦᐃ ᐃᑖᐢᐱᓀᐃᐧᓇ ᑭ ᑲ ᐸᑭᑎᓇᒫᑎᐣ ᑳ ᑭ ᐸᑭᑎᓇᒪᐊᐧᑭᐠ ᐃᒋᑊᐟ ᐊᔨᓯᔨᓂᐊᐧᐠ; ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑳ ᐃᔨᓂᑲᐦᐃᑖᐣ.

ᑳ ᑎᐯᔨᐦᒋᑫᐟ ᓄᒪᐢᑲᐃᐧᓯᐃᐧᓂᐣ ᒥᓇ ᓄᓂᑲᒧᓂᐣ, ᐃᐧᔭ ᓄᐱᒫᒋᐦᐃᐁᐧᒼ; ᐁᐊᐧᑯ ᐊᐊᐧ ᓂ ᑭᓭᒪᓂᑐᒼ ᐁᑯᓯ ᓂ ᑲ ᒪᒥᐦᒋᒫᐤ; ᓄᑖᐃᐧ ᐅ ᑭᓭᒪᓂᑐᒪ ᓂ ᑲ ᑭᐢᑕᑭᒫᐤ.

ᐋᐁᐧᓇ ᐁᓯ ᐊᔮᐟ ᑖᐱᐢᑯᐨ ᑭᔭ ᑌᐯᔨᐦᒋᑫᔭᐣ ᑳ ᐃᐦᑕᓯᒋᐠ ᒪᓂᑐᐊᐧᐠ? ᐊᐁᐧᓇ ᐁᓯ ᐊᔮᐟ ᑖᐱᐢᑯᐨ ᑭᔭ ᐁ ᑭᐦᒑᔨᐃᐧᔭᐣ ᑲᓈᑎᓯᐃᐧᓂᕽ; ᐁ ᑯᐢᑖᑌᔨᑖᑯᓯᔭᐣ ᒥᐦᒋᒥᐁᐧᐃᐧᓂᕽ, ᐁ ᒪᒫᑖᐃᐧ ᐃᓯᐦᒋᑫᔭᐣ?

ᑭᔭ ᒫᑲ ᐃᐧᔭ ᑭ ᑭᓭᐋᐧᑎᓯᐃᐧᓂᕽ ᑭ ᑭ ᐱᒧᑕᐋᐊᐧᐠ ᐊᔨᓯᔨᓂᐊᐧᐠ ᐊᓂᑭ ᑳ ᑭ ᑭᐢᐱᓇᑕᒋᐠ; ᑭ ᑭ ᑭᐢᑭᓄᑕᐋᐊᐧᐠ ᑭ ᒪᐢᑲᐃᐧᓯᐃᐧᓂᕽ ᑭ ᑲᓈᒋᐃᐦᑖᐃᐧᓂᕽ ᐃᓯ.

ᐃᐢᐱ ᒫᑲ ᑌᑯᓯᑭᐠ ᐊᓂᑕ ᒫᕒᐊ, ᓇᒪᐋᐧᐨ ᑭ ᒥᓂᐦᑫᐧᐊᐧᐠ ᒫᕒᐊ ᓂᐱᔭ ᒋᑫᒫ ᑭ ᐃᐧᓴᑲᓇᐧ; ᐁᐊᐧᑯ ᐅᐦᒋ ᒫᑲ ᒫᕒᐊ ᑳ ᑭ ᐃᓯᔨᐦᑳᑌᐠ. ᐊᔨᓯᔨᓂᐊᐧᐠ ᒫᑲ ᑭ ᓇᔦᐦᑖᐃᐧ ᐱᑭᐢᑳᑌᐊᐧᐠ ᒧᓯᓴ, ᐅᒥᓯ ᐁ ᐃᑌᐧᒋᐠ, ᑫᑲᐧᐩ ᑫ ᒥᓂᐦᑫᐧᔮᕽ? ᑭ ᒪᐃᐧᒧᐢᑕᐁᐧᐤ ᒫᑲ ᑳ ᑎᐯᔨᐦᒋᑫᔨᐟ; ᑳ ᑎᐯᔨᐦᒋᑫᔨᐟ ᒫᑲ ᑭ ᐋᐧᐸᐦᑕᐦᐃᐠ ᒥᐢᑎᑲᐧ, ᐁᑯᓯ ᐃᐢᐱ ᓂᐱᕽ ᑳ ᐸᑲᐢᑕᐁᐧᐋᐟ, ᓂᐱᔭ ᑭ ᐃᐧᑲᓯᓇᐧ; ᐁᑯᑕ ᒫᑲ ᑭ ᐅᔭᐢᑕᒪᐁᐧᐤ ᑲᑫᐢᑫᐧᐃᐧᐣ ᒥᓇ ᐃᓯᑖᐧᐃᐧᐣ, ᒥᓇ ᐁᑯᑕ ᑭ ᑯᑌᔨᒣᐤ.