Popular Bible Verses from ᑖᓂᐁᓬ 8

Share

ᒥᐢᑕᐦᐃ ᒫᑲ ᑭᑕ ᒪᐢᑲᐃᐧᓯᐤ, ᒫᑲ ᓇᒪᐃᐧᔭ ᑫᐦᒋᐋᐧᐠ ᐅ ᒪᐢᑲᐃᐧᓯᐃᐧᐣ; ᐁᑯᓯ ᒫᒪᐢᑳᐨ ᐃᔨᑯᕽ ᑭᑕ ᓂᓯᐊᐧᓈᒋᒋᑫᐤ, ᒥᓇ ᑭᑕ ᓇᓇᐦᐃᐸᔨᐤ ᒥᓇ ᑭᑕ ᐃᐦᑐᑕᒼ ᐁ ᐃᓯ ᒥᔦᐧᔨᑕᕽ; ᑭᑕ ᓂᓯᐊᐧᓈᒋᐁᐤ ᒫᑲ ᑳ ᓱᑳᔭᐃᐧᓯᔨᐟ ᒥᓇ ᑳ ᑲᓈᑎᓯᔨᐟ ᐊᔨᓯᔨᓂᐊᐧ. ᐁᑯᓯ ᐅ ᒪᒥᔪᐃᐧᐣ ᐅᐦᒋ ᑭᑕ ᐃᑐᑕᒼ ᑲᑲᔦᔨᓯᐃᐧᐣ ᑭᑕ ᓇᓇᐦᐃᐸᔨᔨᐠ ᐅᒋᐦᒋᕽ; ᑭᑕ ᑭᐢᑌᔨᑖᑯᐃᓱ ᒫᑲ ᐅᑌᐦᐃᕽ ᐁᑯᓯ ᐁᑳ ᐁ ᐊᐢᑖᓯᔨᐟ ᒥᐦᒉᐟ ᑭᑕ ᓂᓯᐊᐧᓈᒋᐁᐤ; ᑭᑕ ᓂᐸᐃᐧᐢᑕᐁᐧᐤ ᒥᓇ ᑳ ᐅᑭᒫᑲᑕᐋᐧᔨᐟ ᑳ ᐅᑭᒫᐃᐧᔨᐟ; ᒫᑲ ᑭᑕ ᐱᑯᓈᐤ ᐁᑳ ᒥᒋᐦᒋ ᐁ ᐋᐸᑕᕽ.

ᓂ ᑭ ᐃᑎᐠ ᒫᑲ, ᒫᑎᑲ ᑭ ᑲ ᑭᐢᑫᔨᑕᒧᐃᑎᐣ ᑫ ᐊᔨᑭᕽ ᐃᐢᑳᐧᔭᐨ ᐊᑎ ᐱᒥᐸᔨᑭ ᑭᓯᐊᐧᓯᐃᐧᐣ; ᒋᑫᒫ ᐃᐧᒋᐦᐃᐁᐧᒪᑲᐣ ᐃᑕ ᑳ ᐅᔭᑭᑕᒥᕽ ᑭᓯᐸᓄᕽ. ᐊᓇ ᔮᐯᒫᔭᑎᕽ ᑳ ᑭ ᐋᐧᐸᒪᐟ ᑳ ᑭ ᓂᓱᐃᐧᑌᐟ, ᐁᐊᐧᑯᓂᐠ ᒥᑎᔭ ᒥᓇ ᐸᕒᓯᔭ ᑭᐦᒋ ᐅᑭᒫᐊᐧᐠ. ᐁᑯᓯ ᐊᓇ ᑭᐢᐱ ᐋᐧᐸᑎᕽ ᐁᐊᐧᑯ ᑲᕒᐃᐢ ᑭᐦᒋ ᐅᑭᒫᐤ; ᐁᑯᓯ ᐊᓂᒪ ᑳ ᒪᐦᑭᐃᐧᑌᐟ ᑕᐢᑕᐃᐧᐨ ᐅᐢᑭᓯᑯᕽ ᐁᐊᐧᑯ ᓂᐢᑕᒼ ᑭᐦᒋ ᐅᑭᒫᐤ.