Popular Bible Verses from Mark 10

Share

ahpō piko ayisiyinīwikosisān namōya ōta ohci-pē-itohtēw kita-pamihiht, māka kita-pamihtāsot; ēkwa kita-mēkit opimātisiwin kita-ohci-tipahikēstamawāt mihcēt ayisiyiniwa.”

Jesus ē‑kitāpamāt itēw, “namōya ayisiyiniw kita-kī-pimācihisow; kisē-manitow kaskihtāw kita-tōtahk, ayisk kaskihtāw kahkiyaw kīkway.”

ēkwa Jesus itēw ēsa, “niyā, ati-sipwēhtē, kitāpwēwakēyihtamowin kimiywāyāhikon.” ēkwa sēmāk ēsa wāpiw, ēkwa ati-pimitisahwēw Jesusa.

ēkosi namōya awiyak kita-kī-paskēnēw anihi kisē-manitow kā‑kī-wīcēhtahāt.”

ēkwa Jesus kitāpamēw ōhi ē‑sākihāt, ēkwa itēw, “pēyak piko kīkway kita-kī-tōtaman. nitawi-atāwākē kahkiyaw kīkway kā‑ayāyan, ēkwa ana sōniyāw miyik okitimākisiwak. ēkosi kika-wēyōtisin kihci-kīsikohk, ēkwa pē‑pimitisahon.”

ōmisi itēw Jesus, “kīkwāy ē‑nitawēyihtaman kita-tōtamātān?” ana ēkāya kā‑wāpit itēw, “okiskinohamākēw, mahti nika-wāpin.”

māka kiyawāw namōya ēkosi kita-kī-ispayiw; awiyak ē‑nōhtē-nīkānakisot, ēwako ana ē‑atoskākoyēk.

kikēhcināmitināwāw, awiyak ēkāya ē‑pakitinisot otipēyihcikēwiniyihk kisē-manitowa tāpiskōc awāsis namōya ēkota kita-pīhtikwēw.”

māka mihcēt kā‑nīkānakisocik mēkwāc, iskwēyānihk kita-akisowak, ēkwa aniki iskwēyānihk kā‑itakisocik kita-nīkānakisowak.”

nistam ohci ē‑osīhcikātēk ōma askiy, ‘kisē-manitow kī‑osīhēw nāpēwa mīna iskwēwa,’ ‘ēwako ohci nāpēw kita-nakatēw ohtāwiya mīna okāwiya ēkwa kita-wīcēwāt owīkimākana, ēkosi tāpiskōc pēyak ayisiyiniw kita-isi-wīcēhtowak,’ namōya ē‑nīsicik, māka ē‑pēyakocik.