Popular Bible Verses from Matthew 9

Share

ēkosi ōmisi itēw okiskinohamawākana, “mitoni pīsākwan kistikān māka cikawāsisiwak otatoskēwak kita-māwasakonikēcik. ayamihēstāhk ana kā‑tipēyihtahk kistikān kita-pē-itisahwāt atoskēyākana kita-māwasakonāyit ōhi ayisiyiniwa.”

nitawi-kakwē-nisitohtamok kihci-masinahikan kā‑itastēk, ‘kisē-manitow kinitawēyimikowāw kita-kitimākēyihtoyēk, namōya pisiskiw pakitināsowin.’ namōya ē‑pē-tēpwātakik kwayask kā‑pimitisahahkik wiyasiwēwin māka aniki omacātisak.”

ispīhk ē‑wāpamāt ayisiyiniwa kī‑kitimākinawēw wiya iyikohk ē‑kakwātakēyihtamiyit mīna ēkāya ē‑kī-wīcihisoyit, tāpiskōc māyatihkwak namōya awiya kā‑kitēyimikocik.

Jesus ē‑pēhtawāt ēsa, ōmisi itēw, “ayisiyiniwak ē‑miywāyācik namōya katāc kita-mamisīcik maskihkīwiyiniwa, aniki piko kā‑āhkosicik.

Jesus kī‑papāmi-kiyokēw ōtēnāhk mīna ōcēnāsihk. kī‑kiskinohamākēw otayamihēwikamikowāhk Jewak, ē‑kakēskihkēmot miywācimowin kihci-tipēyihcikēwin ohci, ēkwa kī‑iyinīhkahēw nanātohk kā‑itāspinēyit.