Popular Bible Verses from Рим 14

Share

Фицики Аллагьдин Паччагьлугъ ипӀруб, я убхъруб дар, думу Гирами Рюгьну багъиш апӀурайи дугъривал, ислягьвал ва шадвал ву. Месигьдиз гьамци гъуллугъ апӀурайири Аллагьдиз ккуниб апӀура, ва адмийиризра кьабул шула.

Гьаци вуйиган, эгер ухьу яшамиш шулаш, Агъа бадали яшамиш шулахьа, эгер йихураш, гьацира Агъа бадали йихурахьу, ва аьхириъ, яшамиш шулайидар вушра, дийихнайидар вушра, Агъайиндар вухьа.

Гъачай, мясляаьт шлу ва чиб-чпиз кюмек шлу гьарсабдихьна илтӀикӀурхьа.

Чиб-чпик тахсрар кирчувал дипурхьа, жвуван гъардшиз гъалатӀариъ ва гунгьариъ ахъуз ухьу багьна тутрувиш, ужу хьибди.

Гирами китабариъ дибикӀна: «Гьарсари Йиз улихь кӀул ис апӀиди, ва гьарсари, Узу Аллагь ву, пиди. Узу яшамиш шулайивал фици гьякь вуш, гьаму вари тамам шлубра гьякь ву – кӀура Агъайи». Ва гьаддиз ухькан гьарсари Аллагьдин улихь, чав гъапӀу ляхнариз дилигну, жаваб тувди.

ЦӀибди хъугъувал айир ичв арайиз кьабул апӀинай. Дугъанна ичв фикрар сабсдар дар кӀури, дугъахъди гьюжатар мапӀанай.

Уву фуж вува, жарарин лукӀрак тахсир кипуз?! Анжагъ чан эйсийин улихьтӀан лукӀ гьякь, ясана нягьякь шлуб дар. Агъайин лукӀ гьякь хьиди, фицики Агъайиз думу гьякь апӀуз гьюкум а.