Popular Bible Verses from Насигьятар 3

Share

Вари юкӀв хъипну, РАББИЙИН ихтибарнаъ учӀв, жвуван хусуси фагьмиин хъугъʼвал мапӀан. Фунуб жилгъайиъди гъярашра, РАББИ аьгъю апӀин, дюз алаиди Дугъу яв рякъяр.

Жвув аькьюл айирси, гьисаб мапӀан, гучӀ апӀин РАББИЙИХЬАН, йихь ярхла писвалихьан

РАББИЙИЗ яв айибдикан тув, гьарсаб ляхнин сабпи бегьернаканра тув, ва ацӀди ккунибдихьди яв танхар, таза чяхрихьди улдузури хьиди чяхир апӀрушвар.

Гъит гьякьну ва рягьми уву гатӀатӀахьри: гавагьирарси яв гардандиъ ахь дурар, бикӀ яв кӀвак

Насигьятар РАББИЙИН, йиз бай, нигь мапӀан, Дугъан кирчу тахсрарихьан мугьудучӀван. Фицики РАББИЙИ тахсир кипра Чав ккун дапӀнайирик, адашди кипруганси ккуни балик.

Йиз бай, адашдин илим магьархан, йиз насигьятар кӀваъ уьрх. Фицики миди ярхи апӀиди яв йисар-йигъар ва артухъ апӀидивуз ужувлар.

Бахтавар ву аькьвлин эйси гъашир ва фагьум гъазанмиш гъапӀур. Аькьюл гъазанмиш апӀуб ужу ву арстӀан, даршуз думу багьа ву гъизилтӀан; заан ву думу багьа гъванартӀан; жвуваз ккуниб фукӀара дидихь ттевуз шлуб дар.

Ужʼвал апӀбахьан мугьудучӀван, дидикк ул ккайидариз, эгер думу удубкьруб вуш яв хилʼан

РАББИЙИ аькьвлихьди жилин бина ккивну, Чан фагьмихьди аьршар дерккну