Popular Bible Verses from Насигьятар 16

Share

Жвуван ляхнар РАББИЙИН ихтиярназ тув, ва тамам хьиди яв фикрар.

Инсанди чан жилгъа ктабгъуру, амма ликариз рякъ РАББИЙИ улупуру.

Кбалгру гафар – йиччвси, кӀваз ширин, жандиз дарман.

Инсандин юкӀвну метлебар дюзмиш апӀуру, хъа варибдиз жаваб РАББИЙИХЬАН гъюру.

Сабур зина ву гужлирин кьувваттӀан, учв гъурдаъ дисрур гужлир ву шагьрар мютӀюгъ апӀруртӀан.

Фурслували чӀуруб хуру, хъа заанди улупували ахъуз гъитру.

Гьарсари чан жилгъа марццибси гьисаб апӀуру, амма инсанарин гъянар РАББИЙИ ахтармиш апӀуру.

Фикир апӀруриз бихъиди ужʼвал, РАББИЙИК миж кайириз хьибди хушбахтвал.

Гьякьвалиинди гъазанмиш гъапӀу цӀибра ужу ву, къанунсузди гъазанмиш гъапӀу аьхю хайиртӀан.

Саспи рякъяр дишдар вуди гьигъри шулу, хъа аьхирна-аьхир аьжалихьна гъахуру.

Кьаст айирин урзруб футна, хъа футнайин ляхин дустар апӀуб душман.