Popular Bible Verses from Эвел 50

Share

Учву узуз писвал апӀуз ккайчва, хъа Заанури думу ужувлаз илтӀибкӀну: гьаддилантина фукьан инсанар гъюрхну!

– ГучӀ мапӀанай, – гъапи Юсуфди, – узу Заанур вуйинхъа?

ГучӀ мапӀанай. Узу ичвра ва ичв бицӀидаринра гъайгъушнаъ хьидиза. Му гафари гъардшар сикин гъапӀнийи ва дурар ккаарцнийи.

гьамциб васият гъапӀнийи: «ТӀалаб апӀураза, гъардшарин гуннагьдилан – увуз дурари гъапӀу писвалилан, хил алдабгъ». Гьаддиз ккун апӀурача, хил алдабгъ учлан, фицики учура яв адашдин Заанурин лукӀар вуча! Гьаму гафарихъ хъпехъури, Юсуф гъишнийи.

– Багарихьди узу йикӀиди, – гъапи дугъу гъардшариз. – Хъа гьациб йигъ гъибдики: Заанури учву кӀваин апӀиди ва учву мушвʼан Чав Ибрагьимдиз, Исакьдиз ва Якьубдиз гаф тувну улупнайи ругариина гъахидичву.

Юсуфди, Израилин баярикан Заанури чиб кӀваин гъапӀган, чпихьди Египетдиан чан гъузу кӀурбар гъахуз, чаз – Юсуфдиз гаф тувуб ккун гъапӀнийи.

Юсуф варжна йицӀуд йисаъ ади гъакӀнийи. Беденра мялгьямариан дапӀну, ишкӀиъ итну, Юсуф Египетдиъ гъитнийи.