Popular Bible Verses from Паччагьлугъар-2 24

Share

Хъа паччагьди Орнайиз жаваб туву: – Ваъ, узу яв гьякъи тувдиза. Узу РАББИЙИЗ, йиз Заануриз, узу чахъ фукӀа тутруву вариубгбан гъурбан апӀидарза. Ва Давудди рацц ва йицар, дурарихъ арснан хьуцӀур шекел тувну, масу гъадагънийи.

Давудди душвʼин РАББИЙИЗ гъурбан апӀрушв тикмиш гъапӀнийи ва вариубгбан ва демдин гъурбнар гъапӀнийи. РАББИЙИЗ Давуддин чан уьлкейихъан вуйи ккарагбар гъеерхьнийи, ва Израилиъ вари гъирмиш апӀру уьзур ккудубкӀнийи.