Popular Bible Verses from Паччагьлугъар-4 4

Share

Элиш пайгъамбри дугъаз жаваб тувнийи: – Увуз фици кюмек апӀуза? Йип узуз, яв хулаъ фу аяв? – Яв гъараваш-дишагьлийин фукӀа адар, – гъапнийи дугъу, – анжагъ саб бети зейтундин ччим.

Пайгъамбрарихь урхури гъахьидарикан сарин хпири Элиш пайгъамбриз гьарйир гъапӀнийи: – Яв гъараваш, йиз жилир, кечмиш гъахьну, ва дугъу РАББИЙИЗ гьюрмат апӀури хьувал увуз аьгъявуз. Хъа гьамус дугъак бурж кайир, йиз кьюрид баярра лукӀʼвализ гъахбан бадали, дуфна.

Элиш пайгъамбри дугъаз гъапнийи: – Гъарах ва яв гъуншйирихьан ичӀи бетйир ккун апӀин, дурар шлубкьан гизаф уч апӀин.

Хъасин яв ва яв баярин кьяляхъди раккин хъябкь. Бетйириъ ччим убз ва ацӀу бетйир гъирагъдизди гьадагъ.

Вари бетйир аццну ккудуркӀиган, дугъу бализ гъапнийи: – Ча узухьна сабсан бети. Хъа бали жаваб тувнийи: – Сарун саб бетира имдар. Ва ччим рубзувал дийибгънийи.

АчӀни хпири, душну, Заанурин инсандиз дидкан ктибтнийи, хъа дугъу гъапнийи: – Гъарах, ччим масу тув ва буржар кидирч, хъа гъубзубдихъ увхьанна яв баярихьан яшамиш хьуз хьидичвухьан.

Дишагьли гъушнийи, ва чан ва чан баярин кьяляхъди раккин хъябкьнийи. Баяри бетйир хуйи, хъа дугъу чан хулаъ айи бетдиан ччим убзуйи.

Хъасин думу ахниина за гъахьнийи ва балʼин дахънийи – ушвник ушв, уларик улар, хиларик хилар куркӀри. Думу балʼин гьачӀарккиган, балин жандак мани гъабхьнийи.