Popular Bible Verses from Паччагьлугъар-1 7

Share

Шамуили гъван гъадабгъу ва думу Мицпайинна Шендин арайиъ диву, ва, «Гьамушвахъна ухьухъди РАББИЙИН кюмек хъайи!» дупну, думу гъвандиз Эвен-Эзер (кюмек апӀбан гъван) ччвур туву.

Шамуили дурариз гъапи: – Эгер учву РАББИЙИХЬНА кӀваантӀан кьяляхъ хътаркнуш, жарадарин бутар ва Астарта кӀуру бут ярхла апӀинай, юкӀв РАББИЙИХЬНА илтӀибкӀай ва Дугъаз сариз гъуллугъ апӀинай. Думуган Дугъу филистимарихьан учву уьрхиди.

Израилари чпин бутар ярхла гъапӀнийи; бутарин ччвурар Баал ва Астарта вуйи. Ва дурар анжагъ сар РАББИЙИЗ гъуллугъ апӀуз хъюгъю.