Popular Bible Verses from Коринф-1 13

Share

Масанвали сабур хуру, гъянивал хуру, бахилвал хурдар, жвуван тяриф апӀдар, фурс кипдар, чӀуруди хътӀурччвуз гъитдар, чан хайирназ фукӀа апӀдар, хъял хурдар, писвал кӀваъ гъибтдар.

Диди варибдилан хил алдабгъуру, варибдихъ хъугъру, умуд зат ктабтӀруб дар, вариб аьгь апӀуру.

Масанвал кучӀлиин ваъ, хъа гьякьвалиин шад шулу.

Хъа сабан магьа гьаму шубуб а: хъугъвал, умуд ва масанвал, дурарикан заануб масанвал ву.

Масанвал гьич зат хъатӀабццну хьибдар. Пайгъамбарвал дугъубжвиди, чӀалар ккебехъиди, аьгъювалар лазимди гъузидар.

Эгер узуз вари адмийирин ва малайикарин чӀалар аьгъяди, хъа масанвал адарш – узу гаргврин бябрягъяр ва далдабуйин дабдаба вуза.

Узуз пайгъабарвалин багъиш ади, дюнʼяйин вари сир аьгъяди, узуз вари аьгъювалар тувнади, узуъ дагъларра кмиди чпин алишвлан улдучӀвуз гъитру хъугъувал ади, хъа масанвал адарди вуш, узу фукӀа дару ичӀичӀай вуза.

Узуъ масанвал адарди касибариз узуз айи вари девлет пай гъапӀишра, гьадрарихъанди убгуз йиз жан тувишра – мурарихьан сабдихьанра узуз кюмек апӀуз хьибдар.

Узу бицӀир вуйиган, бицӀириси кӀуйза, бицӀириси фикир апӀуйза, ляхнарикан бицӀириси хиял апӀуйза. Аьхю гъахьунза – бицӀивал вари гьудубчӀвну.