Popular Bible Verses from Rome-te 8

Share

Tua ciangin Pasian in ama ngimna tawh kizui-a, a sapsa mite a ahi, amah a itte a hoih nadingin na khempeuh a sepsak hi, b cih i thei hi.

Ahang in, sihna le hinna ahi zong in, vansawltakte le dawite d ahi zongin, tu hun le tu nung ciang ahi zongin, vangliatna khatpeuh ahi zongin, a thukna le a sanna ahi zongin, a kipiangsak nate khat beek in i Topa Christ Jesu sunga om Pasian hong itna panin hong khenkhia zo kei ding hi, cih ka kipsan takpi hi.

Tua mah bangin i thanemnate ah Kha in eite hong huh hi. Eite in thu bangci nget ding cih i thei kei hi, ahi hangin Kha mahmah in kammala lawhkhiat theih loh tuanate tawh eite adingin hong thumsak hi.

Tua ahileh hih thu dawn nadingin bang i gen ding hiam? Pasian eite lamah a pan leh ei langah kua pang zo ding ahi hiam?

Tua ahi manin Christ Jesu sunga omte adingin b tu-in mawhpaihna a om kei hi.

Mawhdim mi f lungsim sihna hi-a ahi hangin Kha in a uk lungsim, nuntakna le lemna ahi hi.

Hong khenkhia zo kei ding hi. Hihte khempeuh ah eite hong it ama tungtawnin gualzote sang i gualzo zaw hi.

Tu laitaka i thuak gimnate le eite sunga hong kilang ding minthannate tehkak tham ka sa kei hi.

Christ hong itna panin eite kua in hong khenkhia zo ding hiam? Lungmanna, haksatna, bawlsiatna, kialna, silh ding kisapna, lauhuaina, namsaute in hong khenkhia zo ding ahi hiam?

Tua hi a, eite lungsim a zongpa in Kha lungsim a thei hi. Bang hang hiam cihleh Pasian deihna tawh kizui-in Kha in misiangte ading a thumsak hi.

Bang hang hiam cihleh Pasian Kha in a makaihte Pasian tapate ahi uh hi.

Pianngei mawhna banga nungtate in, tua pianngei deihna bekbek a lunggulh uh hi. Ahi hangin Kha deihna banga nungtate in Kha deihna bekbek a lunggulh uh hi.

Ama Tapa neihsun sit loin eite khempeuh ading hong pia pa in amah tawh na khempeuh hong citpiak khawm loin om ding ahi hiam?

Pasian tate i hina eimau kha tawh tua Kha mahmah in teci a pang hi. Tu-in tate i hileh gouluahte i hi hi. Christ minthanna eite in zong i tanhpih theih nadingin ama thuaknate i thuakpih takpi leh Christ tawh gouluah khawm Pasian gouluahte i hi hi.

Mawhdim lungsim g in Pasian a langneih hi. Tua in Pasian thukham a mang kei hi; zong a mang thei kei hi.

A kipiangsak na khempeuh in Pasian tapate a kilaak nading lawptakin lamenin a ngak uh hi.

A kipiangsak khempeuh in tu hun mahmah dong nausuahnat thuak bangin tau lai uh hi, cih i thei hi.