Popular Bible Verses from Rome-te 16

Lemna Pasian in note khepek nuai-ah Satan a sikpek hak nawn kei ding hi. Eite Topa Jesu hehpihna note tawh om ta hen.

Sanggamte aw, na sansa uh thuhilhna tawh kilehbulh, na lampi uh hong dongkhaksakin na kipawl khen nading uh a bawlte panin na kidawm un, ci-in kong kun hi. Amaute kiang pan na kihemkhia un.

Ahang in, tua bang mite i Topa Christ nasem hi loin amau ankam lim nading bek a sem ahi uh hi. Amaute in kamzolna le mi maitang phatna tawh mi melmawlte lungsim a khem uh hi.

Tu-in khanghun sawtpi sung a kiselcip thuthuk kilaakkhiatna tawh kizui-a ka hilh lungdamna-thu le Jesu Christ kitangkona tawh note hong kipsak zopa - tua thuthuk tu-in kilaak khin a, minam khempeuh in um-a a thu a man theih nadingun tawntung Pasian thupiakna tawh kamsangte’ laigelhte tungtawnin kitheisak khin hi - Jesu Christ tungtawnin tua a pil Pasian khat bek tungah minthanna om tawntung ta hen. Amen.