Popular Bible Verses from Rome-te 14

Share

Ahang in, Pasian gam pen nekna le dawnna thu hi loin, Khasiangtho sunga thumaanna, lemna le lungnopna ahi hi. Bang hang hiam cihleh hih banga Christ na a sem peuhmah in Pasian lungkimsak a, mite in zong a thukimpih uh hi.

Eite i nuntak leh Topa adinga nungta i hi hi; eite i sih leh Topa adinga si i hi hi. tua ahi ciangin eite i si-a i hing zongin Topa aa i hi hi.

Tua ahi manin kilemna le khat le khat kihansuahna sungah hong tun ding na i sep nadingin hanciam theih tawpin hanciam ni.

Tua ahi manin eite khat le khat thu kikhen nawn kei ni. Tua sangsikin na sanggampa lampi ah muktukna suang, a dongkholh na ahi zongin a koih lo dingin na lungsim uh khensat un.

"Topa in,’Ka nuntakna ka lo hi, ka mai-ah mi khempeuh khukdin ding uh a, Pasian tungah leii khempeuh in a pulak ding uh hi,’ ci hi," b ci-in kigelh hi. Tua ahi tak ciangin eite khempeuh in Pasian tungah eima thu tek i gen ciat ding hi.

Kisel theihna thute tawh kisai-in upna thanemte mawhpaih pah kei unla, na sang zaw un.

Midang khatpeuh nasempa tungah thu khen dingin nang kua na hi hiam? Tua nasempa a pu thu-in a ding thei a puk thei hi. Topa in amah dingsak thei ahi manin amah a ding ding hi.