Popular Bible Verses from Paunakte 3

Share

Na lungsim khempeuhin TOPA muang inla, nang theihtelna tungah kinga kei in; na gamtatna khempeuh ah amah phawk in, tua hileh na lampi tangsak b ding hi.

Nang kimuhna ah pil kisa kei in; TOPA kihta inla, gitlohna peel in.

Na hauhna le na ankung khempeuh-a gahmasa-in TOPA pahtawi in; tua hileh na saal dimlet dinga, na lenggah sukna beel ah zuthak a dimlet ding hi.

Itna le muanhuaina khahsuah kei in; na ngawng kimkotah vial inla; na lungtang pek tungah gelh in.

Ka tapa aw, TOPA hong sekna thusim lo kei inla, ama hong taihilhna hehsan kei in, bang hang hiam cih leh pa in a pahtak tapa a sek bangin TOPA in a itte sek a hi.

Ka tapa aw, kong hilhna mangngilh kei inla, ka thupiakte na lungsim ah kem in. tuate in na khan kum tampi sotin na dau paisak ding hi.

Pilna mu a, theihtelna a ngahpa thupha ngah ahi hi; tua in ngun sangin met theizaw a, kham sangin a gahsuahzaw hi. Ruby sangin manphazaw a; nang deihtheih khatpeuh tawh kiteh thei lo hi.

Nang hih zawh ding ahileh huh tuakte huh ding lungsit kei in.

TOPA in pilna tawh leitung bulpi phut a, ama theihtelna tawh a mun takah vantungte a koih hi.