Popular Bible Verses from Misimna 14

Share

TOPA langdo kei phot peuhmah dih ni. Tua gam mite kihta kei un, bang hang hiam cih leh amaute i zialmang pah na ding hi. Amaute kidalna siamang khin a, ahi hangin eite tawh TOPA a omkhawm hi. Amaute kihta peuhmah kei un," a ci uh hi.

‘TOPA heh haka, a itna kicingin, lehdona le mawhna a maisak hi. Amah in a khialte dan tuaksak loin a om kei hi; amah in a pate mawhna a tate tungah khangthum khang lina dongin dan a pia hi,’ ci-a na lahkhiatsa bang tektek ahi hi.

Eite tungah TOPA lungkim peuh leh amah in bawngnawi le khuaizu luanna tua gamah hong paipihin eite hong pia ding hi.

Ahi hangin ka nasempa Caleb in lungsim dang nei-in a lungsim khempeuh tawh kei hong zui ahi manin ama paina gamah ka tungsak dinga, ama suante in tua gam a luah ding uh hi.

Tua ahi ciangin amaute kiangah, ‘Keimah a nungta TOPA ka hi a, na gen uh ka zak bang lianin no tungah na khempeuh ka hih ding hi

TOPA in Moses kiangah, "Hih mite in bang tanvei hong simmawhbawl ding uh hiam? Amaute laka ka bawlsa lim piandangte om napi amaute in bang tanvei hong um lo lai ding uh ahi hiam?

Israel mite khempeuh in Moses le Aaron phunsan uh a, mipi buppi in amaute kiangah, "Egypt ahikeh hih Sehnel-gamah i vekin a sikhin hi hoh leng!

A gam ena paite lakah Nun tapa Joshua le Jephunneh tapa Caleb in a puansilh uh balkekin, Israel mipite tungah, "Gam ena ka va pai kawikawina uh leitang hoih mahmah hi.

Keimah a nungta Pasian ka hi a, TOPA minthanna in leitung buppi a dip zah khat in ka minthanna a mu mi le Egypt le gamlaka ka bawl lim lamdangte mu napi ka thu hong mang lo a, sawmvei dong hong zia-et teitei vialte - khat beek in kiciama a pate uh tunga ka khapsa gam a mu peuhmah kei ding uh hi. Kei hong simmawhbawlte khat beek in tua gam a mu peuhmah kei ding uh hi.