Popular Bible Verses from Nehemiah 9

Share

"Ahi hangin ka pute uh kiphasak lua-in genhak uh a, na thupiakte a mang kei uh hi. Na thu mang nuam lo uh a, amaute laka na bawl nalamdangte a phawk nuam kei uh hi. Amaute genhak uh a, a salsuahna-uah a paikik nadingun a lehdo ding makai a seh uh hi. Ahi hangin nang, mawhna a maisak a hehpihthei, le mi a khuatuah, a heh hak, itna dim a nei Pasian na hi hi. Tua ahi manin

Nang bek TOPA na hi hi. Nang in vante, a sangpen vante nangawn le aksi honpite, leitung le a tunga om khempeuh, tuipi le a sunga om khempeuh, na bawl hi. Na khempeuh na nungtasak a, vanmi honpite in nang hong bia uh hi.

"Na khuatuahna lianpi hangin amaute sehnel gamah na nusia kei hi. Meii khuampi in sunin amaute lamlak den-a, zan in zong mei-khuampi amau lampi ah a tang hi. Amaute ahoih nangma Kha lam na laksak hi. Amaute kamah manna na kitalawisak kei-a a dangtak uh ciangin tui na pia hi. Kum sawmli sung sehnel gamah na vaak hi; amaute bangmah kisam loin a puan uh zong paat lo-a, a khe nangawn uh zong a bawk kei hi.