Popular Bible Verses from Thukhente 6

Share

Gideon tungah TOPA vansawltak kilanga, "A thahat galhangpa aw, TOPA in nang hong ompih hi," a ci hi.

Tua ciangin TOPA ama lamah kihei-a, "Tu-a na neih thahatna tawh pai-in Midian khut panin Israel honkhia in. Nang hong sawl lo ka hi hiam?" a ci hi.

TOPA in, "Nang kong ompih dinga, mihing khat bangin Midian-te na sattuk ding hi," ci-in a dawng hi.

Gideon in, "Ahi zongin pu aw, TOPA in kote hong ompih ahileh bang hangin ko tungah hihte khempeuh hong tung ahi hiam? Ka pate un, ‘TOPA in Egypt panin hong paikhiatpih to hi lo ahi hiam?’ a cih uh ama nalamdang bawlte khempeuh koi-ah om khin ta hiam? Tu-in TOPA in ko hong nusia-a Midian-te khut sungah hong koih khin hi," ci-in a dawng hi.

Gideon in, "Ahi hangin Topa a, Israel bangci hotkhiat thei ding ka hi hiam? Ko bawng’ lah Manasseh ah a hat lo pen hi-a, ko innkuan sungah kei a neu pen ka hi hi," a ci hi.

TOPA vansawltak va pai-a Abiezeri-te Joash neihsa Ophrah-a tawsaw nuai-ah a tu hi; Midian-te muh loh dingin tua lai-a lenggah-sukna ah a tapa Gideon in mangbuh a cil hi.

Tua ciangin Gideon in tua lai-ah TOPA biakna-tau khat dawh-a, a min "TOPA in lemna hi" a ci hi. Tuni dong Abiezri-te gam Ophrah ah a om lai hi.

Gideon in, "Nong angvan taktak ka hileh kei nong hopih taktak lam limtakin hong lak in.

Ahi hangin TOPA in ama kiangah, "Lungnuam in! Kihta kei in. Na si kei ding hi," a ci hi.

TOPA mit ah Israel-te a sia-in gamta leuleu uh a amah in kum sagih sung Midian-te khutah amaute a pia hi.