Popular Bible Verses from Isaiah 9

Share

Ahang in, eite tungah naungek khat hong suaka, tapa khat hong kipia hi; a liangko tungah ukna a tuang ding hi. Tua hi-a, amah Lamdang Thulakpa, b Thahat Pasian, Tawntung Pa, Lemna Kumpi, kici ding hi.

Khuamial sunga lampai mite in, khuavak lianpi a mu zo uh hi; sihna a liim guam sunga teng mite tungah khuavak tang khin ta hi.

Ama ukna le kilemna khangin bei hun a nei kei ding hi. Amah in David tokhom luah dinga, tua huna kipan a tawntungin thumaan le thutang tawh a gam phutin a lenkip ding hi. Thahatpen TOPA deihluatna in hih thu a tangcingsak ding hi.

Galkap hangte in gal sunga a zat uh khedapte le sisan a bang niaunuau puansilh khempeuh hal dingin kikoih dinga, mei in a kicih ding hi.

Ahi ta zongin lungdonna sunga a ommite adingin lungkiat nading a om kei hi. A beisa hunin amah in Zebulun gam le Naphtali gam, a niamkhiat hangin mailam hunah Jordan dunga om tuipi zuatna lampi gei-a Gentile-te tenna Galilee ah a pahtawi ding hi

Tua minam na khangsaka, a lungdamna uh na khangsak hi; anlak cianga mite a lungdam bang le van kisutte a kihawm cianga a lungdam bangin na mai-ah mite a lungdam uh hi.

Bang hang hiam cih leh Midian-te a kizawh ni-a bangin nangmah in amaute vangik puakna hakkol le a liangko-ua kikham singzawl, amaute a kinetniamna ciangkhut na nuaizansak hi.