Popular Bible Verses from Isaiah 30

Share

Taklam ah kihei-in vei lamah na kihei uh zongin na nung panin na bil un, "Hih lampi hi, tawn un," a cih na za ding uh hi.

Tua hi napi TOPA in note hong hehpih nuam lailai in; ama hong khuatuahna hong lak lailai hi. Ahang in, TOPA in a thutang Pasian ahi hi. Amah a ngak zote khempeuh thupha ngah ahi hi.

Hih in Thupipen TOPA, Israel’ Siangtho Pa gen ahi hi: "Kisikna le tawlngakna in note hotkhiatna hi a, daihna le muanna note hatna ahi hi; ahi hangin note na tuaci kei uh hi.

Topa in note lungkhamna anlum le sinkhamna tui hong piak ciangin na siate uh bu nawn loin na mit mahmah uh tawh amaute na mu ding uh hi.

No Zion mite, Jerusalem a tengte aw, na kap nawn kei ding uh hi. Huhna ngenin na kiko uh ciangin hong hehpih mahmah hi! Amah in a zak phetin hong dawng ding hi.

"Thumang lo tate in gimna ngah ta hen," TOPA in cikhia a, "amaute kei ngimna lo ngimna a neite, kei’ Kha tawh kop lo a kipawlna a phuante, mawhna tungah mawhna a suangsawnte