Popular Bible Verses from Piancilna 49

Share

Judah panin ukna sikciang- khut kikhenkhia lo dinga, a khepekte kikal pan ukna ciangkhut zong a neipa b kiang a tun mateng le minamte in ama thu a man mateng amah tawh a kikhenkhia kei ding hi.

"Joseph pen lenggui gahpha hi-a, tuinak gei-a lenggui gahpha, a hiangte kulh tunga zaam i ahi hi. Thalkapte in amah nakpi-in sim uh a, amaute in amah kapin gentheisak uh hi.

Ahi hangin ama thal ling lo-a, j ama khut khauhte a manlang hi. Jacob’ Thahatpa’ khut hang, Israel’ Suangpi, Tuucingpa hang, nang hong huh na pa’ Pasian hang, tunglam-a vantung thuphate, leinuai thukpi-a om thuphate le nawi le sul thuphate tawh nang thupha hong pia Thahatpen-Pa k hang ahi hi.

Judah a aw, na sanggamte in nang hong phat ding uh hi; na galte na tawlmek ding hi; na pa’ tate na mai-ah kun ding uh hi. Judah aw, nang humpinelkai no na hi hi; ka ta aw, na sa nek lai na paisan ta hi. Humpinelkai pa bangin amah thamvakin a lum hi. Humpinelkai nu a bang - amah kuan phong ngam ding hiam?

"Reuben aw, nang ka tapa upa pen na hi-a, ka thahatna, ka thacil lim, pahtawina sang pen le vangliatna sang pen na hi hi. Tuita khang bang na hi a, mitung na tuang nawn kei ding hi; ahang in, na pa’ lupna tungah na kahto-a, ka lupna-ah kah in na buahsak hi.