Popular Bible Verses from Thuhilhna 5

Share

Pasian mai-ah na khatpeuh na gen ciangin kam paukhiat ding manlang kei inla, na lungsimin nawh ngaihsut kei in. Pasian vantungah om a, nang leitunga om na hi hi; tua ahi ciangin na kam tawmsak in.

Tua tham loin mi khatpeuh Pasian in neihsa lamsa pia-a a hauhna nuamtakin a zatsak leh ama lawhtak tua mah ahi ciangin sang henla a nasepna ah nuamsa hen - hih in Pasian letsong ahi hi.

Sum iplah peuhmah in sum a deihzah nei ngei lo a; hauhna iplah peuhmah a ngahzah tawh a lungkim ngei kei hi. Hih zong a mawknapi ahi hi.

Pasian inn ah na pai ciangin kidawmin gamta in. A khialh lam uh a thei lo mihaite biakna sangin thu ngai dingin a kiangah pai lecin hoihzaw hi.

Pasian tungah na kiciam ciangin tangtungsak hak kei in. Amah mihaite tungah lungdam lo hi, na kiciamna tangtun in.

Kiciamna tangtungsak loh sangin, kiciam loh hoihzaw hi.

Nasempa khat in tawm ne in tam ne taleh a ihmut nuam a, ahi hangin mihaupa a hauhletna in a ihmusak thei kei hi.

Mihing a nu sung pan guaktangin suahkhia a, a suahkhiat bangin a paikhia ding hi. A khut sungah a sepsa bangmah a pua thei kei hi.